ޚަބަރު
މިއަހަރުގެ މިހާތަނަަށް އެންމެ ގިނައިން ފުލުހުންނަށް ރިޕޯޓު ކުރެވިފައިވަނީ ވައްކަމުގެ މައްސަލަތައް
ކްރައިމް ސީންއެއްގައި ފުލުހުން ހަރަކާތްތެރިވަނީ. ފޮޓޯ: މިހާރު
މިއަހަރުގެ މިހާތަނަށް އެންމެ ގިނައިން ދިވެހި ފުލުހުންގެ ޚިދުމަތަށް އެންމެ ގިނައިން ރިޕޯޓު ކުރެވިފައިވަނީ ވައްކަމުގެ މައްސަލަތައް ކަމަށް ފުލުހުންގެ ތަަފާސް ހިސާބު ތަކުން ދައްކައިފިއެވެ.
ފުލުހުން އާންމު ކުރަމުންދާ ކުށްތަކުގެ ތަފާސް ހިސާބުތަކުން ދައްކާ ގޮތުގައި މިއަހަރުގެ މިހާތަނަށް ވައްކަމުގެ 3650 މައްސަލައެއް ވަނީ ފުލުހުންނަށް ރިޕޯޓުކޮށްފައެވެ.
ދެވަނަ އަށް އެންމެ ގިނައިން ފުލުހުންނަށް ރިޕޯޓު ކޮށްފައިވަނީ ޓްރެފިކް އެކްސިޑެންޓު ތަކުގެ މައްސަލަތަކެވެ. އެއީ 2802 މައްސަލައެކެވެ.
ތިންވަނައަށް އެންމެ ގިނައިން ފުލުހުންނަށް ރިޕޯޓު ކޮށްފައިވަނީ މަސްތުވާތަކެތީގެ މައްސަލަތަކެވެ. މަސްތުވާތަކެތީގެ 1627 މައްސަލައެއް މިއަހަރުގެ މިހާތަނަށް ފުލުހުންނަށް ރިޕޯޓު ކޮށްފައިވެއެވެ.
މީގެއިތުރުންވެސް އެކި ބާވަތްތަކުގެ މައްސަލަތައް ފުލުހުންނަށް ހުށައަޅައިފައިވެއެވެ. އޭގެތެރޭގައި ހިމެނެނީ:
- އެއްޗެހި ގެއްލިގެން ހުށައަޅައިފައިވާ 995 މައްސަލައެއް
- މީހުންނަށް ހަމަލާދިނުމުގެ 693 މައްސަލައެއް
- ތަޅާފޮޅުމުގެ 650 މައްސަލައެއް
- ޚިޔާނާތުގެ 648 މައްސަލައެއް
- ފޭރުމުގެ 491 މައްސަލައެއް
- ޖިންސީ ގޯނާކުރުމުގެ 314 މައްސަލައެއް
- ގެވެށި އަނިޔާގެ 241 މައްސަލައެއް
- ފްރައުޑްގެ 162 މައްސަލައެއް
- ޗެކް ބައުންސް ވުމުގެ 7 މައްސަލައެއް
ދިވެހި ފުލުހުންގެ ޚިދުމަތުން ކޮންމެ މަހެއް ނިމުމުން އެމަހެއްގައި ފުލުހުންނަށް ރިޕޯޓު ކުރެވޭ މައްސަލަތަކުގެ ތަފާސް ހިސާބުތައް ހާމަކުރަމުންދެއެވެެ.
