ޚަބަރު
16 ޖަމިއްޔާއަކަށް ސަރުކާރުގެ ބަޖެޓުން ޖުމްލަ 3 މިލިއަން ރުފިޔާގެ އެހީދީފި!
ޖަމިއްޔާތަކަށް ފައިސާ ހަވާލުކުރުމަށް ބޭއްވި ރަސްމިއްޔާތުގެ ތެރެއިން. ފޮޓޯ:ޒުވާނުންގެ ވުޒާރާ
އަމިއްލަ ޖަމިއްޔާތަކުގެ ހިންގުން ރަނގަޅު ކުރުމަށް ދައުލަތުގެ ބަޖެޓުން 16 ޖަމިއްޔާއަކަށް 3 މިލިއަން ރުފިޔާގެ އެހީދީފިއެވެ.
މިއީ ޖަމިއްޔާތަކަށް ޕްރޮޕޯސަލް ހުށައެޅުމަށް ހުޅުވާލުމުން ޕްރޮޕޯސަލްތައް ހުށައެޅި ޖަމުޢިއްޔާތަކުގެ ތެރެއިން ހޮވާލެވުނު 16 ޖަމިއްޔާއަކަށް ސަރުކާރުގެ ފަރާތުން ދީފައިވާ އެހީއެކެވެ.
މިކަމާ ގުޅޭގޮތުން ޒުވާނުން ބާރުވެރިކުރުވުމާއި މަޢުލޫމާތާއި ފަންނާ ބެހޭ ވުޒާރާއިން ބުނެފައިވަނީ، ބައެއް ޖަމިއްޔާތަކުން ހިންގަން ނިންމާފައިވާ މަޝްރޫއުތަކުގެ ތެރޭގައި އިޖުތިމާޢީގޮތުން މުޖުތަމަޢުއަށް ފައިދާކުރާނެ އެތައް ކަމެއް ކުރަން ނިންމާފައިވާކަމަށެވެ.
އެގޮތުން، އެކި ދާއިރާތަކުން ހޭލުންތެރިކަމުގެ ޕްރޮގްރާމުތަކާއި ޕާކު ތަރައްޤީކުރުން ފަދަ ކަންކަން ކުރަން ނިންމާފައިވާކަމަށް އެ ވުޒާރާއިން ބުނެފައިވެއެވެ.
