ވެލާނާ އެއަރޕޯޓު ތެރޭ ހަމަނުޖެހުމެއް ހިންގައިގެން ފުލުހުން ހަރަކާތްތެރިވެއްޖެ

ވެލާނާ އިންޓަރނޭޝަލް އެއަރޕޯޓު ތެރޭ ހަމަނުޖެހުމެއް ހިންގައިގެން ފުލުހުން ހަރަކާތްތެރިވެފައިވާ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.

ފުލުހުން ބުނެފައިވަނީ ވެލާނާ އެއަރޕޯޓުގައި ތެރޭގައި ހަމަނުޖެހުމެއް ހިންގައިގެން ފުލުހުން ހަރަކާތްތެރިވެފައިވާ ކަމަށާއި, އެކަމުގެ ރިޕޯޓު ފުލުހުންނަށް މިއަދުގެ 15:15 ގައި ލިބިފައިވާ ކަމަށެވެ.

ފުލުހުން ބުނެފައިވަނީ މިހަމަނުޖެހުން ހިންގާފައިވަނީ ވޯކް ވިސާގައި ރާއްޖޭގައި އުޅޭ ސްރީލަންކާގެ ބައެއްގެ މެދުގައި ކަމަށާއި، އެ ހަމަނުޖެހުން ހިންގާފައިވަނީ އެއަރޕޯޓުގެ ޓެކްސީ ޑްރޮޕް އޮފް ޕޮއިންޓްގައި ކަމަށެވެ.

މިހަމަނުޖެހުމާއި ގުޅިގެން އެކަމުގައި ޝާމިލްވި އެކަކު ފުލުުހުންގެ ބެލުމުގެ ދަށަށް ގެނެސްފައިވާ ކަމަށް ފުލުހުން ވަނީ ބުނެފައެވެ. 

މި މައްސަލަ އިތުރަށް ތަހުޤީޤު ކުރަމުންދާ ކަމަށް ފުލުހުން ބުނެފައިވެއެވެ.