ކޯޓު އަމުރެއްގެ ދަށުން ފަޒީލްގެ ފޯނު ހިފަހައްޓައިފި

ބިންވެރިޔާ ސްކީމްގެ މައްސަލާގައި ވަޒީފާގެ މަސްޢޫލިއްޔަތުން ދުރުކޮށްފައި ހުރި މުޙައްމަދު ފަޒީލް ރަޝީދުގެ ފޯނު ކޯޓު އަމުރެއްގެ ދަށުން ހިފަހައްޓައިފިއެވެ.

ފުލުހުން ބުނެފައިވަނީ ފުލުހުން ތަހުޤީޤު ކުރަމުންދާ ބިންވެރިޔާ ސްކީމްގެ މައްސަލައާއި ގުޅުންހުރި މައްސަލައާ ގުޅިގެން ފަޒީލްގެ ފޯނު ކޯޓު އަމުރެއްގެ ދަށުން މިއަދު ހިފަހައްޓާފައިވާ ކަމަށެވެ.

ފަޒީލްއަކީ އެމްޑަބްލިޔުއެސްއީގެ ޑީއެމްޑީގެ މަޤާމުގައި ހުންނެވި ބޭފުޅެކެވެ. ބިންވެރިޔާ ސްކީމްގެ މައްސަލާގައި އެޗްޑީސީގެ އެމްޑީގެ މަޤާމުގައި ހުންނެވި ފަޒީލްގެ ކޮއްކޮ ފަޟުލް ރަޝީދުވެސް މަޤާމުގެ މަސްޢޫލިއްޔަތު ތަކުން ދުރުކޮށްފައިވެއެވެ. މިއާއި އެކު ފަޟުލް ވަނީ މަޤާމުން އިސްތިއުފާ ދެއްވައިފައެވެ. 

މިމައްސަލައާއި ގުޅިގެން ފަޒީލް އާއި ފަޟުލް ހިމެނޭހެން 20 މީހެއްގެ ޕާސްޕޯޓުވެސް ހިފަހައްޓައިފައިވެއެވެ.