ޚަބަރު
މާތްކަލާކޯ ، ފިލަންޖެހޭވަރު ކަމެއް ނުކުރަން : މުއާޒް
ފެނަކަ ކޯޕަރޭޝަންގެ ކުރީގެ މެނޭޖިން ޑިރެކްޓަރ މުއާޒް މުހައްމަދު ރަޝީދު ފޮޓޯ އެޑިޝަން
ފެނަކަ ކޯޕަރޭޝަންގެ ކުރީގެ މެނޭޖިން ޑިރެކްޓަރ މުއާޒް މުހައްމަދު ރަޝީދު މިވަގުތު އޭނާ ހުންނެވީ ޢާއިލާއާއެކު އިންޑިއާގައި ބޭސްފަރުވާއަކަށާއި ޗުއްޓީއެއްގައި ކަން ހާމަކުރައްވައިފިއެވެ.
މިމޭރުމުން މުއާޒް ސޯޝަލް މީޑިއާގައި ޕޯސްޓުކުރައްވާފައިވަނީ ކަރަޕްޝަން މައްސަލަ މުއާޒްގެ މައްޗަށް ތުހުމަތުކޮށް ފިލަން ވަޑައިގަތީކަމަށް ބުނެ ބައެއް އާންމުން ސޯޝަލް މީޑިއާގައި ކުރަމުންގެންދާ ކޮމެންޓުތަކަށް ރައްދު ދެއްވުމުގެ ގޮތުން ކަމަށް ބެލެވެއެވެ.
"މާތްކަލާކޯ ، ފިލަންޖެހޭ ކަމެއް ކޮށްފައެއް ނޯންނާނެ ، މިހިރީ އާއިލާއާ އެކު ބޭސްފަރުވާ އަދި ޗުއްޓީއަކަށް އިންޑިއާގައި ، ވަރަށް އަވަހަށް އެނބުރި އަންނާނަން" މުއާޒްގެ ޕޮސްޓުގައި ހާމަކުރައްވާފައިވެއެވެ.
މުއާޒް އިސްތިއުފާ ދެއްވުމަށް ނިންމެވި ސަބަބު ބަޔާންކުރައްވަމުން، ރައީސުލްޖުމްހޫރިއްޔާ މުޙައްމަދު މުޢިއްޒަށް ފޮނުއްވި ސިޓީއެއްގައި ވިދާޅުވެފައިވަނީ، ފެނަކައިގެ މެނޭޖިން ޑިރެކްޓަރުގެ ހައިސިއްޔަތުން ކުންފުނީގެ ހާލަތު އިތުރަށް ރަނގަޅު ކުރެވިދާނެ ކަމަށް ޤަބޫލުނުކުރެވޭތީ އިސްތިޢުފާދެއްވީ ކަމަށެވެ.
Maaiykalaako! Filan jehey kameh kohafaeh noannaane. I’m at India with family for a medical and vacation. Will be back soon
— Muaz Mohamed Rasheed (@muazmr) December 26, 2024
