އައު އަހަރު ފެށުމުގެ ކުރިން ފަރިތަކުރަން މިރޭ ހުޅުމާލޭގައި ހަވާއަރުވަނީ

އައު އަހަރުގެ ފެށޭ ރޭ ހަވާ އެރުވުމުގެ ތައްޔާރީތަކުގެ ގޮތުން، މިރޭ ހުޅުމާލެ ފޭސް 3 ސަރަހައްދުގައި ހަވާ އެރުވުމުގެ ފަރިތަކުރުންތަކެއް ކުރިއަށް ގެންދިއުމަށް ވަނީ ހަމަޖެހިފައެވެ.

ސިފައިންގެ ކޯޕަރޭޓިވް (ސިފްކޯ) އިން އިންތިޒާމުކޮށްގެން ކުރިއަށްގެންދާ މި ފަރިތަކުރުންތައް ފެށުމަށް ހަމަޖެހިފައިވަނީ މިރޭ 20:00 ގައެވެ. މި ފަރިތަކުރުންތަކުގައި، ކޮންމެ ޝޯވްއެއްގެ ދިގުމިނަކީ 2 މިނެޓު ކަމަށްވާއިރު، ޖުމްލަ 3 ޝޯވްއެއް ދައްކާނެ ކަމަށް އެމްއެންޑީއެފްއިން މަޢުލޫމާތު ދެއެވެ.

އައު އަހަރުގެ ފެށޭ ރޭ ރާއްޖޭގެ އެކި ކަންކޮޅުތަކުގައި ހަވާ އެރުވުމަކީ ދިވެހިންގެ މެދުގައި އާންމު އާދައެކެވެ. މިގޮތުން، ކޮންމެ އަހަރަކުވެސް މާލެ އަދި ރިސޯޓް ތަކުގައި ޚާއްޞަ ޝޯވްތަކެއް ބާއްވައެވެ. މިފަހަރުގެ ފަރިތަކުރުންތަކަކީ އެފަދަ ޝޯވްއަކަށް ތައްޔާރުވުމުގެ ގޮތުން ކުރިއަށްގެންދާ ޙަރަކާތްތަކެކެވެ.

މި ފަރިތަކުރުންތަކުގެ ސަބަބުން ހުޅުމާލެ ފޭސް 3 ސަރަހައްދުގައި ދަތުރުފަތުރު ކުރާ ފަރާތްތަކަށް ވަގުތީ ދަތިތަކެއް ކުރިމަތިވެދާނެ ކަމަށް ބެލެވޭތީ، އެ ސަރަހައްދުން ދަތުރުކުރާ ފަރާތްތަކުން ސަމާލުކަން ދިނުމަށް އެމްއެންޑީއެފްއިން އެދިފައިވެއެވެ.