Ads by Exprox

ޚަބަރު

އިންޑިއާގެ ކުރީގެ ބޮޑު ވަޒީރު އަވަހާރަވުމާ ގުޅިގެން ރައީސުލްޖުމްހުރިއްޔާ ތައުޒިޔާ ވިދާޅުވެއްޖެ

އިންޑިއާގެ ކުރީގެ ބޮޑު ވަޒީރު އަވަހާރަވުމާ ގުޅިގެން ރައީސުލްޖުމްހުރިއްޔާ ތައުޒިޔާ ވިދާޅުވެއްޖެ

ޑޮކްޓަރ މަން މޯހަން ސިންގް، ފޮޓޯ: އޭޕީ ނިއުޒް

މިފްތާޙް މުޙައްމަދު

މިފްތާޙް މުޙައްމަދު

27 ޑިސެމްބަރު 2024، 04:38

27 ޑިސެމްބަރު 2024، 04:38

ހުލާސާ

ރައީސުލްޖުމްހޫރިއްޔާ އެ މަނިކުފާނުގެ އަމިއްލަ ނަމުގަ އާއި ދިވެހި ރައްޔިތުންގެ ފަރާތުން ތައުޒިޔާ ވިދާޅުވެލައްވައި ދެންނެވީ، ބޮޑުވަޒީރު ޑޮކްޓަރ މަންމޯހަން ސިންގް އަވަހާރަވުމާ ގުޅިގެން އެ ގައުމުގެ ރައްޔިތުންގެ ހިތާމައިގައި އެ މަނިކުފާނު ބައިވެރިވެ ވަޑައިގަންނަވާ ކަމަށް.

އިންޑިޔާގެ ކުރީގެ ބޮޑުވަޒީރު ޑޮކްޓަރ މަންމޯހަން ސިންގް އަވަހާރަވުމާ ގުޅިގެން، ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ތައުޒިޔާ ވިދާޅުވެއްޖެއެވެ.

ރައީސުލްޖުމްހޫރިއްޔާ އެ މަނިކުފާނުގެ އަމިއްލަ ނަމުގަ އާއި ދިވެހި ރައްޔިތުންގެ ފަރާތުން ތައުޒިޔާ ވިދާޅުވެލައްވައި ދެންނެވީ، ބޮޑުވަޒީރު ޑޮކްޓަރ މަންމޯހަން ސިންގް އަވަހާރަވުމާ ގުޅިގެން އެ ގައުމުގެ ރައްޔިތުންގެ ހިތާމައިގައި އެ މަނިކުފާނު ބައިވެރިވެ ވަޑައިގަންނަވާ ކަމަށެވެ.

މީގެ އިތުރުން އެ މަނިކުފާނު 2011 ވަނަ އަހަރުގެ ނޮވެމްބަރު މަހު ރާއްޖެއަށް ކުރެއްވެވި ރަސްމީ ދަތުރުފުޅަކީ، ރާއްޖޭގެ އިގްތިސާދަށާއި އިޖުތިމާއީ ސިޔާސަތަށް ބޮޑު ކުރިއެރުމެއް ލިބިގެން ދިޔަ ހާއްސަ ދަތުރުފުޅެއް ކަމަށް ރައީސުލްޖުމްހޫރިއްޔާ ފާހަގަ ކުރެއްވެވިއެވެ. 

އަދި އެ މަނިކުފާނުގެ މިންނެތް މަސައްކަތްޕުޅާއި ލީޑަޝިޕާއެކު އެކަށައެޅުއްވި "ލުކް އީސްޓް ޕޮލިސީ" އަކީ އޭގެ ފައިދާ މުޅި ދެކުނު އޭޝިއާއަށް ކުރި، މުހިންމު ސިޔާސަތެއް ކަމަށް ވެސް ރައީސުލްޖުމްހޫރިއްޔާ ފާހަގަ ކުރެއްވެވިއެވެ. 

އިންޑިޔާގެ ތާރީޚުގައި އެންމެ މަޤުބޫލު އަދި ވަރުގަދަ ސިޔާސީ ވެރިންގެ ތެރޭގައި ހިމެނިވަޑައިގަންނަވާ ޑރ. ސިންގް ވަނީ 2004 އިން 2014 އަށް އިންޑިޔާގެ ބޮޑުވަޒީރުކަން ކުރައްވާފައެވެ. އޭނާގެ ވެރިކަމުގެ ދައުރުގައި އިންޑިޔާގެ އިގްތިސާދަށާއި އިޖުތިމާއީ ސިޔާސަތުތަކަށް ގެނެސްދެއްވި އިންގިލާބީ ބަދަލުތައް މިއަދާ ހަމައަށްވެސް ގިނަ ބަޔަކު ފާހަގަކުރެއެވެ.

ޑރ. މަންމޯހަން ސިންގ އަވަހާރަވިއިރު، އަނބިކަނބަލުންނާއި ތިން އަންހެން ދަރިކަނބަލުން ދުނިޔޭގައި ތިއްބެވިއެވެ. އިންޑިޔާގެ މިހާރުގެ އިގްތިސާދީ ކުރިއެރުމުގެ ބިންގާ އެޅުއްވި ބޭފުޅެއްގެ ގޮތުގައި ޑރ. ސިންގް ފާހަގަކުރެވެއެވެ.

މި ލިޔުން ކިޔާލުމުން

Ads by MSS