Ads by Exprox

ޚަބަރު

އާރުޑީސީގެ ކުރީގެ އެމްޑީ އަދި ސީއެފްއޯގެ އިލެކްޓްރޯނިކް ސާމާނުތައް ފުލުހުން ހިފަހައްޓައިފި

އާރުޑީސީގެ ކުރީގެ އެމްޑީ އަދި ސީއެފްއޯގެ އިލެކްޓްރޯނިކް ސާމާނުތައް ފުލުހުން ހިފަހައްޓައިފި

އާރުޑީސީގެ ކުރީގެ އެމްޑީ މޫސާ އަލިމަނިކާއި ސީއެފްއޯ ޔާސިރު ހަސަން

farudhun logo

ފަރުދުން

27 ޑިސެމްބަރު 2024، 04:37

27 ޑިސެމްބަރު 2024، 04:37

ހުލާސާ

ބުރާސްފަތި ދުވަހުގެ ރޭގެ މެންދަމު ފުލުހުން ހިންގި މި އޮޕަރޭޝަނުގައި ބަލާ ފާސްކޮށްފައި ވަނީ މާލޭގައި މޫކޭ ދިރިއުޅުއްވާ އެޕާޓްމެންޓާއި، ހުޅުމާލޭގެ ވިނަރެސް ޓަވަރެއްގައި ހުންނަ މޫކޭގެ ކުރީގެ އަނބިކަނބަލުންގެ އެޕާޓްމެންޓެއްގެ އިތުރުން، ހުޅުމާލޭގައި ހުންނަ ޔާސިރުގެ އެޕާޓްމެންޓެއް.

ފުލުހުން ތަހުގީގު ކުރަމުންދާ މައްސަލައަކާ ގުޅިގެން، ރޯޑް ޑިވެލޮޕްމެންޓް ކޯޕަރޭޝަން (އާރުޑީސީ)ގެ ކުރީގެ މެނޭޖިންގ ޑިރެކްޓަރ، މުސާ އަލީ މަނިކު (މޫކޭ) އާއި ޗީފް ފައިނޭންޝިއަލް އޮފިސަރ، ޔާސިރު ހަސަންގެ އެޕާޓްމަންޓު ބަލާފާސްކޮށް، އެ ދެ ބޭފުޅުންގެ އިލެކްޓްރޯނިކް ސާމާނުތައް ފުލުހުން ހިފަހައްޓައިފިއެވެ. 

ބުރާސްފަތި ދުވަހުގެ ރޭގެ މެންދަމު ފުލުހުން ހިންގި މި އޮޕަރޭޝަނުގައި ބަލާ ފާސްކޮށްފައި ވަނީ މާލޭގައި މޫކޭ ދިރިއުޅުއްވާ އެޕާޓްމެންޓާއި، ހުޅުމާލޭގެ ވިނަރެސް ޓަވަރެއްގައި ހުންނަ މޫކޭގެ ކުރީގެ އަނބިކަނބަލުންގެ އެޕާޓްމެންޓެއްގެ އިތުރުން، ހުޅުމާލޭގައި ހުންނަ ޔާސިރުގެ އެޕާޓްމެންޓެވެ. 

ފުލުހުން ހާމަކޮށްފައިވާ ގޮތުން، މި ބޭފުޅުންގެ އެޕާޓްމެންޓުތައް ބަލާ ފާސްކުރީ އާރުޑީސީގެ އެކައުންޓަކުން ބައެއް އާއްމުންގެ އެކައުންޓްތަކަށް ފައިސާ ޖަމާކޮށްފައިވާ ކަމަށް ތުހުމަތު ކުރެވޭ މައްސަލައިގެ ތަހުގީގީ ބޭނުމަށެވެ. 

އާރުޑީސީގެ މި މައްސަލަ ފުލުހުންނަށް ހުށަހަޅާފައިވަނީ މިދިޔަ އަހަރުގެ ސެޕްޓެމްބަރު މަހުގެ ތެރޭގައި، މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ފައިނޭންޝިއަލް އިންޓެލިޖެންސް ޔުނިޓް (އެފްއައިޔޫ) އިންނެވެ. އެއީ ޝައްކު އުފެދޭ ގޮތަށް ހިންގާފައިވާ 13 މިލިއަން ރުފިޔާގެ މައްސަލައެކެވެ.

މި މައްސަލައިގެ ތަހުގީގުގައި ފުލުހުން ވަނީ މިދިޔަ އަހަރުގެ ނޮވެމްބަރު މަހުގެ ތެރޭގައި އާރުޑީސީއަށް ވެސް ވަދެފައެވެ. އެ ފަހަރު އާރުޑީސީއިން ގިނަ އަދަދެއްގެ ލިޔުންތައް ފުލުހުންގެ ތަހުގީގަށް ގެންގޮސްފައި ވެއެވެ. 

މި ލިޔުން ކިޔާލުމުން

Ads by MSS