އިޒްރޭލުގެ ވަޒީރަކު އަލް-އަޤްޞާއަށް ވަތް މައްސަލަ ދިވެހި ސަރުކާރުން ކުށްވެރިކޮށްފި

އިޒްރޭލުގެ ސިފައިންގެ ހިމާޔަތުގައި، އެ ގައުމުގެ ސަލާމަތާއި ބެހޭ ވަޒީރު މަސްޖިދުލް އަޤްޞާއަށް ވަނުން ދިވެހި ސަރުކާރުން ކުށްވެރިކޮށްފިއެވެ. 

މިކަމާ ގުޅިގެން ދިވެހި ސަރުކާރުން ވަނީ ބަޔާނެއް ނެރެފައެވެ. އެ ބަޔާނުގައި އެ މައްސަލަ ކުށްވެރި ކުރައްވަމުން ހާމަކޮށްފައި ވަނީ، މަސްޖިދުލްއަޤްޞާއަށް އިޒްރޭލުގެ ސިފައިންނާއެކު އެމީހުންގެ ސަލާމަތާއި ބެހޭ ވަޒީރު ވަދެގަތުމަކީ އިސްލާމީ މުޤައްދަސް ބިނާތަކުގެ ޙުރުމަތް ކަނޑާލުމުގެ އިތުރުން، އެފަދަ ތަންތަނުގެ ދީނީ އަދި ތާރީޚީ ހައިސިއްޔަތު ބަދަލުކުރުމަށް ތަކުރާރުކޮށް އިސްރާއީލުން ކުރަމުންދާ އަމަލެއްކަމަށެވެ.

ބަޔާނުގައި އިތުރަށް ފާހަގަ ކޮށްފައިވާ ގޮތުގައި، އެ އަމަލަކީ ބައިނަލްއަޤްވާމީ ޤާނޫނުތަކާ ޚިލާފު އަމަލެއް ކަމަށާއި އަދި އެއީ ފަލަސްތީނުގެ މުސްލިމުންގެ އިތުރުން، މުޅި ދުނިޔޭގެ ދެ ބިލިއަނެއްހާ މުސްލިމުންގެ ޙައްޤުތަކަށް އަރައިގަތުމުގެ ޢަމަލެއް ކަމުގައިވެސް ދިވެހި ސަރުކާރުން ސިފަކުރެއްވިއެވެ.

ޔަހޫދީންގެ މި އަނިޔާވެރިކަން ހުއްޓުވުމަށް މައްސަލައިގައި އަވަސް ހައްލެއް ބޭނުންކުރާ ބައެއް ކަމަށެވެ. އަދި އަވަސް ފިޔަވަޅުތަކެއް އެޅުމަށް ބައިނަލްއަޤްވާމީ މުޖުތަމަޢަށް ދިވެހިރާއްޖެއިން ވަނީ ގޮވާލާފައެވެ. 

ޔަހޫދީ ދައުލަތުގެ މި ހަމަނުޖެހުމަށް ދެމެހެއްޓެނިވި، ޞުލްޙަވެރި ޙައްލެއް ގެނެވޭނީ 1967 ވަނަ އަހަރުގެ ކުރިން އޮތް އިންތަކުގެ މައްޗަށް ބިނާކޮށް، އިރުމަތީ ޤުދުސްއަކީ ފަލަސްޠީނުގެ ވެރިކަންކުރާ ރަށްކަމުގައި ކަނޑައަޅައި، އެއީ މިނިވަން، މުސްތަޤިއްލު އަދި އަމިއްލަ ސިޔާދަތީ ބާރު ހިނގާ ދައުލަތެއްގެ ގޮތުގައި ފަލަސްޠީނުގެ ދައުލަތް ޤާއިމުކުރެވުމުންކަމުގައި ދިވެހި ސަރުކާރުން ދެކޭކަމަށް ވިދާޅުވާ ވިދާޅުވުންވެސް ސަރުކާރުން ވަނީ ތަކުރާރުކުރައްވާފައެވެ.