Ads by Exprox

ޚަބަރު

ގެދޮރުވެރިކަމާބެހޭ މަޢުލޫމާތު ސާފުކުރުމަށް ޚާއްޞަ ނަންބަރުތަކެއް ތަޢާރަފްކޮށްފި

ގެދޮރުވެރިކަމާބެހޭ މަޢުލޫމާތު ސާފުކުރުމަށް ޚާއްޞަ ނަންބަރުތަކެއް ތަޢާރަފްކޮށްފި

ހުޅުމާލެއިން ބިންވެރިޔާ ސްކީމުން ގޯތިދޭ ސަރަޚައްދެއް ފޮޓޯ: މޯލްޑިވްސް ފައިނޭންޝަލް ރިވިއު

އާމިނަތު ޔުމްނާ

އާމިނަތު ޔުމްނާ

28 ޑިސެމްބަރު 2024، 10:27

28 ޑިސެމްބަރު 2024، 10:27

އިމާރާތްކުރުމާއި ގެދޮރުވެރިކަމާއި ބިނާރާބެހޭ ވުޒާރާއިން ވަނީ ގެދޮރުވެރިކަމާ ގުޅޭގޮތުން ސަރުކާރުން ކުރިއަށްގެންދަވާ މަސައްކަތްތަކާ ބެހޭ މަޢުލޫމާތު ސާފުކުރުމަށް ޚާއްޞަ ފޯނު ނަންބަރުތަކެއް ތަޢާރަފްކޮށްފައެވެ. މި ނަންބަރުތައް ތަޢާރަފްކޮށްފައިވަނީ ގެދޮރުވެރިކަމާބެހޭ މަސައްކަތްތައް އެ ވުޒާރާގެ ދަށަށް ބަދަލުކުރެއްވުމާ ގުޅިގެންނެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބުރާސްފަތި ދުވަހު ކެބިނެޓަށް ގެންނެވި ބަދަލުތަކުގެ ތެރެއިން، ގެދޮރުވެރިކަމާބެހޭ މަސައްކަތްތައް އިމާރާތްކުރުމާއި ގެދޮރުވެރިކަމާއި ބިނާރާބެހޭ ވުޒާރާގެ ދަށަށް ބަދަލުކުރެއްވިއެވެ. މި ބަދަލާއެކު، އެ ވުޒާރާގެ އޮނިގަނޑަށް ބަދަލުތަކެއް ގެނެސް، ޚިދުމަތްތައް ރައްޔިތުންނަށް ވީހާވެސް ފަސޭހައިން ދެވޭނެ އިންތިޒާމު ހަމަޖެއްސުމަށް މަސައްކަތްތައް ކުރިއަށްދާކަމަށް އެ ވުޒާރާއިން މަޢުލޫމާތު ދެއްވިއެވެ.

މިހާރު ހިނގަމުންދާ ގެދޮރުވެރިކަމާބެހޭ އެއްވެސް މަސައްކަތަކާ ގުޅޭގޮތުން މަޢުލޫމާތު ސާފުކުރެއްވުމަށް އެދޭނަމަ، އެ ވުޒާރާގެ ރަސްމީ ނަންބަރުތައް ކަމުގައިވާ 4004900 އަދި 4004901 މެދުވެރިކޮށް މަޢުލޫމާތު ހޯއްދެވޭނެކަމަށް އެ ވުޒާރާއިން ވިދާޅުވިއެވެ. އަދި ގެދޮރުވެރިކަމާބެހޭ މަސައްކަތްތައް އިމާރާތްކުރުމާބެހޭ ވުޒާރާގެ ދަށަށް ބަދަލުވީނަމަވެސް، އެ މަސައްކަތްތަކަށާއި ޚިދުމަތްތަކަށް ބަދަލެއް ނާންނާނެކަމަށްވެސް އެ ވުޒާރާއިން ވިދާޅުވިއެވެ.

ކެބިނެޓަށް ގެންނެވި ބަދަލުތަކުގެ ތެރެއިން، މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓު އުވާލައްވާ، އެ ވުޒާރާއިން ކުރަމުންދިޔަ މަސައްކަތްތައް އެހެން ވުޒާރާތަކަށް ބަދަލުކުރައްވާފައިވެއެވެ. މީގެ ތެރޭގައި ބިން ބޭނުންކުރުމާއި، އަރބަން ސަރަހައްދުތައް ތަރައްޤީކުރުމާއި، ޤައުމީ ތަރައްޤީ ރޭވުމާއި، ތަފާސްހިސާބުގެ މަސައްކަތްތައް މިނިސްޓްރީ އޮފް ފިނޭންސް އެންޑް ޕްލޭނިންގއަށް ބަދަލުކުރެއްވިއެވެ. އަދި ހިޔާވަހިކަމުގެ ސިޔާސަތު ކަނޑައެޅުމާއި ސޯޝަލް ހައުސިންގއާ ބެހޭ މަސައްކަތްތައް މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރއަށް ބަދަލުކުރެއްވިއެވެ.
                    

މި ލިޔުން ކިޔާލުމުން

Ads by MSS