ޣައްޒާގެ ކަމާލް އަދުވާން ހަސްފަތާލަށް ޔަހޫދީން ވަދެގަނެ އެތާގައި ހުޅުޖަހައިފި

ޣައްޒާގެ ކަމާލް އަދުވާން ހަސްފަތާލަށް ޔަހޫދީ ސިފައިން ވަނުމާއެކު، ހަސްފަތާލުގެ އިމާރާތުގައި އަލިފާން ރޯވެ، އެތަނުގައި ތިބި ގިނަ ބަޔަކުގެ ހާލު ނޭނގި ވަނީ ގެއްލިފައެވެ. މި ހަމަލާ ފެށުނީ ހުކުރު ދުވަހުގެ ފަތިހު، އިސްރާއީލީ ޓޭންކެއް ހޮސްޕިޓަލް އިމާރާތަށް ވަނުމާއެކުގައެވެ.

ކުރިން ބަލިމީހުންނަށް ފަރުވާ ދިނުމަށް ބޭނުންކުރެވުނު މި ހޮސްޕިޓަލަކީ މިހާރު ހަނގުރާމައިގެ މައިދާނަކަށް ބަދަލުވެފައިވާ ތަނެކެވެ. ހޮސްޕިޓަލުގެ މުވައްޒަފުން ވަނީ މި ހަމަލާއާ ގުޅޭ ގޮތުން އިންޒާރު ދީފައެވެ.

މި ހަމަލާއިން ސަލާމަތްވެގެން ނުކުމެވުނު ފަރާތްތަކުން ބުނާ ގޮތުގައި ހަސްފަތާލުގެ އެތެރޭގައި ތިބި ގިނަ ބައެއްގެ ހާލު މިވަގުތު އެނގިފައެއް ނުވެއެވެ. ޣައްޒާގައި މިހާރު މަސައްކަތް ކުރަމުންދާ މަދު ހަސްފަތާލުތަކުގެ ތެރެއިން އެއް ހޮސްޕިޓަލް ކަމުގައިވާ ކަމާލް އަދުވާން ހަސްފަތާލަށް މިގޮތަށް ހަމަލާ ދިނުމާ ގުޅިގެން، ބައިނަލްއަޤްވާމީ މުޖުތަމަޢުގެ ކަންބޮޑުވުން ވަނީ އިތުރުވެފައެވެ.

މި ހަމަލާއާ ގުޅޭ އެންމެ ފަހުގެ މަޢުލޫމާތު ހިމެނޭ ވީޑިއޯއެއް މިހާރު ވަނީ ޝާއިޢުކޮށްފައެވެ. މި ވީޑިއޯގައި ކަމާލް އަދުވާން ހޮސްޕިޓަލުން މީހުން މަޖުބޫރުން ނެރެމުންދާ މަންޒަރުތައް ފެންނަން ހުއްޓެވެ.