ތިމަރަފުށީ ގެއަކަށް ބަޔަކު ވަދެ މާރާމާރީ ހިންގި މައްސަލަ ފުލުހުން ބަލަނީ

ތ.ތިމަރަފުށީ ގެއަކަށް ބަޔަކު ވަދެ މާރާމާރީއެއް ހިންގި މައްސަލަ ދިވެހި ފުލުހުންގެ ޚިދުމަތުން ބަލަން ފަށައިފިއެވެ. 

މިކަމާ ގުޅިގެން ފުލުހުން ބުނެފައިވަނީ 28 ޑިސެންބަރު 2024ގެ 13:27 އެހާއިރު ތ.ތިމަރަފުށީ ގެއަކަށް ފަސް މީހަކު ވަދެ މާރާމާރީ ހިންގި މައްސަލަ ފުލުހުންނަށް ރިޕޯޓުކޮށްފައިވާ ކަމަށެވެ. 

ފުލުހުން ބުނެފައިވަނީ މިމައްސަލައާ ގުޅިގެން އަދި މިހާތަނަށް އެއްވެސް މީހަކު ހައްޔަރު ކޮށްފައިނުވާކަމަށެވެ.

މީގެއިތުރުން މިމައްސަލަ އިތުރަށް ތަހުޤީޤު ކުރަމުންދާ ކަމަށްވެސް ފުލުހުން ވަނީ ބުނެފައެވެ.