ޣައްޒާ: އިސްރާއީލްގެ ހަތިޔާރު ތަޖުރިބާކުރާ މައިދާނެއްތޯ؟

އިސްރާއީލުން ޣައްޒާގައި ހިންގާ ހަނގުރާމައަކީ ދުނިޔޭގެ އެހެން ގައުމުތަކަށް ވިއްކުމަށް އުފައްދާ ހަތިޔާރުތައް ތަޖުރިބާކުރުމަށް ބޭނުންކުރާ ވަސީލަތެއްކަމަށް "ޕެލެސްޓައިން ލެބޯޓަރީ" ފޮތުގެ މުސައްނިފު އެންޓަނީ ލޯވެންސްޓައިން ވިދާޅުވެއްޖެއެވެ.

އޭނާ ވިދާޅުވި ގޮތުގައި އިސްރާއީލުން ފަލަސްތީނުގެ ރައްޔިތުން ބޭނުންކުރަނީ "ގިނީ ޕިގް" ތަކެއްގެ ގޮތުގައެވެ. އެއީ އެ ގައުމުން އުފައްދާ އަނިޔާވެރި ހަތިޔާރާއި ޓެކްނޮލޮޖީ ދުނިޔޭގެ އެހެން ގައުމުތަކަށް އެކްސްޕޯޓްކުރުމަށް ކަމަށް އޭނާ ވިދާޅުވިއެވެ.

މީގެ އިތުރުން، އިސްރާއީލާއި އެ ގައުމުގެ އެކުވެރި ގައުމުތަކާ ދެމެދު އޮންނަ ގުޅުމަކީ ހަމައެކަނި "ދިފާއީ ގުޅުމެއް" ނޫންކަމަށްވެސް އޭނާ ވިދާޅުވިއެވެ. އޭގެ ބަދަލުގައި އިސްރާއީލަކީ މި ގައުމުތަކަށް "އައިޑިއޮލޮޖިކަލް މޮޑެލެއް އަދި އެތްނޯ-ނޭޝަނަލިސްޓް މޮޑެލެއް" ކަމަށް އޭނާ ވިދާޅުވިއެވެ.

މި މައުޟޫއާ ގުޅޭ ގޮތުން އޭޖޭ ޕްލަސްއިން ތައްޔާރުކޮށްފައިވާ ވީޑިއޯއެއް ދަނީ ސޯޝަލް މީޑިއާގައި ދައުރުވަމުންނެވެ.

“Palestinians are guinea pigs to export oppressive weapons and technology globally.”

AJ+ spoke to journalist @antloewenstein about how the technology used against Palestinians is also suppressing and erasing communities worldwide. pic.twitter.com/wqNEW2OsnM

— AJ+ (@ajplus) December 29, 2024