ޚަބަރު
ޑްރޯނުން ހޯދައި، އަތުލައިގަތީ ސްރީލަންކާގެ މަސްބޯޓެއް

އަތުލައިގަނެވުނު ބޯޓުގެ ޑްރޯން އިމޭޖް ފޮޓޯ:އެމްއެންޑީއެފް
ރާއްޖޭގެ ޚާއްޞަ އިޤްތިޞާދީ ސަރަހައްދުގައި ޤާނޫނާ ޚިލާފަށް ހަރަކާތްތެރިވަމުންދިޔަ ސްރީލަންކާގެ މަސްބޯޓެއް، ޑްރޯނުގެ އެހީގައި ދެނެގަނެ އަތުލައިގަތްކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ހާމަކޮށްފިއެވެ.
އެމްއެންޑީއެފުން މިއަދު މީޑިއާތަކަށް ދެއްވި މަޢުލޫމާތުގައި ވިދާޅުވިގޮތުގައި، މިދިޔަ ބުރާސްފަތި ދުވަހު ރާއްޖޭގެ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގައި މި މަސްބޯޓު އަތުލައިގަނެވުނެވެ. މި އޮޕަރޭޝަނުގައި އެމްއެންޑީއެފް އެއަރ ކޯރގެ ޑްރޯނުގެ އެހީ ބޭނުންކޮށްގެން މަސްބޯޓު ހޯދާފައިވާކަމަށް އެމްއެންޑީއެފުން ފާހަގަކުރެއްވިއެވެ.
އަތުލައިގަތް މަސްބޯޓަކީ ސްރީލަންކާއަށް ނިސްބަތްވާ އުޅަނދެއްކަމަށާއި، އެ އުޅަނދުގައި ތިން މީހުން ތިބިކަމަށް އެމްއެންޑީއެފުން ހާމަކުރެއްވިއެވެ. އަދި މި އުޅަނދު ފުރަތަމަ ކޯސްޓްގާޑްގެ ބެލުމުގެ ދަށަށް ގެނެވުނު ނަމަވެސް، މިހާރު ވަނީ ދިވެހި ފުލުހުންގެ ޚިދުމަތާ ހަވާލުކޮށްފައިކަމަށްވެސް އެމްއެންޑީއެފުން ވިދާޅުވިއެވެ.