ޚަބަރު
މިފަހަރު އެކި ކުންފުނިތަކުގެ ޙަވާލުގައި 6373 އަށްވުރެ ގިނަ މީހުން ޢުމްރާއަށްދިޔަ: ވަޒީރު ޑރ. މުޙައްމަދު ޝަހީމް

ރާއްޖއިން އުމްރާއަށް ފުރި ބައެއް ފަރާތްތައް ފޮޓޯ: ރާއްޖެ އެމްވީ
މިއަހަރުގެ ޑިސެންބަރު މަހު ރާއްޖެއިން 6373 އަށްވުރެ ގިނަ މީހުން ޢުމްރާގެ އަޅުކަން އަދާކުރުމަށް މައްކާއަށް ގޮސްފައިވާކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ.
ވަޒީރު މިކަން ހާމަކުރެއްވީ އެމަނިކުފާނުގެ ސޯޝަލް މީޑިއާ އެކައުންޓެއްގައި ކުރެއްވި ޕޯސްޓެއްގައެވެ. މި ޕޯސްޓުގައި ވަޒީރު ވިދާޅުވެފައިވަނީ މިފަހަރު އެކި ކުންފުނިތަކުގެ ޙަވާލުގައި 6373 އަށްވުރެ ގިނަ މީހުން ޢުމްރާގެ އަޅުކަން އަދާކުރުމަށް މައްކާއަށް ގޮސްފައިވާ ކަމަށެވެ.
މި ޑިސެންބަރު މަހު ރާއްޖެއިން ޢުމްރާއަށް ގޮސްފައިވާ އެންމެހައި އަޚުންނާއި އުޚުތުންގެ ޙާލުވެސް ރަނގަޅު، މިފަހަރު އެކި ކުންފުނިތަކުގެ ޙަވާލުގައި 6373 ވުރެ ގިނަ މީހުން އުމްރާގެ އަޅުކަން އަދާކުރަން މައްކާއަށް ގޮސްފައިވޭ. الحمد لله
— Mohamed Shaheem Ali Saeed (@Mohamedshaheem1) December 29, 2024
އަދި މި ޑިސެންބަރު މަހު ރާއްޖެއިން ޢުމްރާއަށް ގޮސްފައިވާ އެންމެހައި އަޚުންނާއި އުޚުތުންގެ ޙާލުވެސް ރަނގަޅު ކަމަށް ވަޒީރު ވިދާޅުވެފައިވެއެވެ. މިކަމަށްޓަކައި ވަޒީރު ﷲ އަށް ޙަމްދުކުރައްވާފައިވެއެވެ.
މިއީ ފާއިތުވި އަހަރުތަކާ އަޅާބަލާއިރު ވަރަށް ގިނަ އަދަދެއްގެ ދިވެހިން ޢުމްރާއަށް ގޮސްފައިވާ މަހެކެވެ.