ކުޅިވަރު
އަމޮރިމްއާއެކު ޔުނައިޓެޑު އަދި ހަމަޔަކަށް އެޅޭނެ: ރޮނާލްޑޯ

ގްލޯބް ސްޕޯޓްސް އެވޯޑްސްގައި ރޮނާލްޑޯ
ހުލާސާ
މެންޗެސްޓަރ ޔުނައިޓެޑާއެކު އަމޮރިމް ލީގުގައި މިހާތަނަށް ދެ މެޗުން މޮޅުވެފައިވާއިރު، ހަތަރު މެޗުން ވަނީ ބަލިވެފައި. އެ ޓީމު މޮޅުވީ އެވަޓަން އާއި މެންޗެސްޓަރ ސިޓީގެ އަތުން. އަދި ބަލިވެފައިވަނީ އާސެނަލް، ނޮޓިންހަމް ފޮރެސްޓް، ބޯނެމައުތު އަދި ވޮލްވަރހެމްޕްޓަން ވޮންޑަރސްގެ އަތުން.
ކްރިސްޓިއާނޯ ރޮނާލްޑޯ ގަބޫލުކުރާ ގޮތުގައި، އަޑިއަޅާލާފައިވާ މެންޗެސްޓަރ ޔުނައިޓެޑު ހަމަޔަކަށް އެޅުވޭނެ ގާބިލުކަން އެ ޓީމުގެ މިހާރުގެ ކޯޗު، ރޫބެން އަމޮރިމްގެ އެބަހުއްޓެވެ. ރޮނާލްޑޯ މިހެން ގަބޫލުކުރި ނަމަވެސް، ސްޕޯޓިންގް ސީޕީއާއެކު ރަގަޅު ނަތީޖާތަކެއް ހޯދުމަށްފަހު، ފޮނި އުއްމީދުތަކަކާއެކު ޔުނައިޓެޑާ ގުޅުނު އަމޮރިމް އަންނަނީ ރަގަޅު ނަތީޖާތައް ނެރުމުގައި ނާކާމިޔާބުވަމުންނެވެ.
މެންޗެސްޓަރ ޔުނައިޓެޑާއެކު އަމޮރިމް ލީގުގައި މިހާތަނަށް ދެ މެޗުން މޮޅުވެފައިވާއިރު، ހަތަރު މެޗުން ވަނީ ބަލިވެފައެވެ. އެ ޓީމު މޮޅުވީ އެވަޓަން އާއި މެންޗެސްޓަރ ސިޓީގެ އަތުންނެވެ. އަދި ބަލިވެފައިވަނީ އާސެނަލް، ނޮޓިންހަމް ފޮރެސްޓް، ބޯނެމައުތު އަދި ވޮލްވަރހެމްޕްޓަން ވޮންޑަރސްގެ އަތުންނެވެ.
އެހެންނަމަވެސް، ޔުނައިޓެޑު ގޮވައިގެން އަމޮރިމްއަށް ކުރިޔަށް ދެވިދާނެކަމަށް އެ ޓީމަށް ސަޕޯޓުކުރާ ގިނަ ބަޔަކު ގަބޫލުކުރެއެވެ. މީގެ ތެރެއިން އެކަކީ، ޔުނައިޓެޑާއެކު ގިނަ ކާމިޔާބީތަކެއް ހޯދާފައިވާ، އެ ޓީމުގެ ލެޖެންޑު ރޮނާލްޑޯއެވެ.
ޑުބާއިގެ ގްލޯބް ސްޕޯޓްސް އެވޯޑްސްގައި ވާހަކަ ދައްކަމުން ރޮނާލްޑޮ ބުނީ، އޭނާގެ ފުރަތަމަ ކްލަބް، ސްޕޯޓިން ސީޕީއާއެކު އަމޮރިމް ރަގަޅު ނަތީޖާތަކެއް ނެރެފައިވާ ކަމަށެވެ. ނަމަވެސް އޭނާ ބުނީ، އެ ލީގާ ހިލާފަށް އިންގްލިޝް ޕްރިމިއަރ ލީގަކީ ދުނިޔޭގެ އެންމެ ވާދަވެރި ލީގު ކަމަށާއި، އެ ލީގުގައި ރަގަޅު ނަތީޖާތައް ނެރުމަކީ ފަސޭހަކަމެއް ނޫން ކަމަށެވެ.
ރޮނާލްޑޯ މި މައުލޫގައި އިތުރަށް ބުނީ، އެ ނާކާމިޔާބީގެ ކޮޅިގަނޑު ނިމި، އިރުގެ އަލިކަން ލިބޭނެ ކަމަށެވެ.
ޔުނައިޓެޑު އެންމެ ފަހުން ކުޅުނު 5 މެޗުގެ ތެރެއިން 4 މެޗުން ބަލިވެފައިވާއިރު، މިހާރު އެ ޓީމު އޮތީ ލީގުގެ 14 ވަނައިގައެވެ. މި ނަތީޖާތަކާއެކު، ޔުނައިޓެޑުގެ ވަޒީފާގައި އަމޮރިމް މިހާރު އަންނަނީ ވަރަށް އުނދަގޫ ދުވަސްތަކެއް ހޭދަކުރަމުންނެވެ. ވަޒީފާގެ އުނދަގޫކަން އަމޮރިމް ފާހަގަކުރީ، އެ ޓީމު އެންމެ ފަހުން ކުޅުނު ވޫލްސް މެޗުގައި 1-1 އިން އެވަރުވުމަށް ފަހުއެވެ.