ވިޔަފާރި

އިންޑޯރާއްޖެއިން އިންޑޮނޭޝިއާ ފަތުރުވެރިން ރާއްޖެ ގެނައުމުގެ މަސައްކަތް ފަށައިފި

އިންޑޯރާއްޖެއިން އިންޑޮނޭޝިއާ ފަތުރުވެރިން ރާއްޖެ ގެނައުމުގެ މަސައްކަތް ފަށައިފި

އިންޑޯރާއްޖެ މެދުވެރިކޮށް ރާއްޖެއައި ބައެއް ފަތުރުވެރިން ފޮޓޯ: ފަރުދުން

އާމިނަތު ޔުމްނާ

އާމިނަތު ޔުމްނާ

30 ޑިސެމްބަރު 2024، 11:27

30 ޑިސެމްބަރު 2024، 11:27

އިންޑޯރާއްޖެ ގްރޫޕް އޮފް ކޮމްޕެނީޒްގެ ދަށުން އިންޑޯރާއްޖެ ޓްރެވެލްސްގެ ނަމުގައި އިންޑޮނޭޝިއާއިން ރާއްޖެއަށް ފަތުރުވެރިން ގެނައުމުގެ މަސައްކަތް ފަށައިފިއެވެ. މިގޮތުން ފުރަތަމަ ގްރޫޕުގެ ފަތުރުވެރިން އިއްޔެ ރާއްޖެއަށް ޒިޔާރަތްކޮށްފިއެވެ.

އިންޑޮނޭޝިއާއިން ރާއްޖެއަށް ފަތުރުވެރިން ގެނައުމަކީ ރާއްޖޭގެ ފަތުރުވެރިކަމުގެ ދާއިރާއަށް އައު ދޮރެއް ހުޅުވިގެންދާނެ ފުރުސަތެކެވެ. އިންޑޮނޭޝިއާއަކީ 270 މިލިއަނަށްވުރެ ގިނަ އާބާދީއެއް އޮތް ޤައުމަކަށްވެފައި  އެ ޤައުމަކީ މެދު ފަންތީގެ އާބާދީ އަހަރުން އަހަރަށް އިތުރުވަމުން އަންނަ ޤައުމަކަށް ވާއިރު މިއީ ރާއްޖޭގެ ފަތުރުވެރިކަމަށް ވަރަށް މުހިންމު މާކެޓެކެވެ.

އިންޑޯރާއްޖެއިން އިންޑޮނޭޝިއާ ފަތުރުވެރިން ރާއްޖެ ގެނައުމުގެ މަސައްކަތް ފަށައިފި

އިންޑޮނޭޝިއާއިން ރާއްޖެއަށް ޒިޔާރަތްކުރި ބައެއް ފަތުރުވެރިން

އަޅުގަނޑުމެންގެ އުންމީދަކީ ކުރިއަށް އޮތްތަނުގައި އިންޑޯރާއްޖެއިން މިފެށި އައު ޙިދުމަތުގެ ސަބަބުން ދިވެހި ރާއްޖޭގެ ފަތުރުވެރިކަމަށް އިތުރު ކުރިއެރުންތަކެއް ލިބުން، ދިވެހި ރައްޔިތުންނަށް މިކަމުގެ ފައިދާ ސީދާ އަދި ނުސީދާ ގޮތެއްގައި ލިބިގެން ދިއުން،ފާހަގަ ކޮށްލަން ބޭނުން ވޭ ރާއްޖޭގެ ފަތުރުވެރިކަމުގެ ދާއިރާގައި ހިދުމަތްދޭ ގެސްޓްހައުސް ، ސަފާރީ ، ރިސޯޓް އަދި ހޮޓެލް ހިންގާ ފަރާތްތަކަށް އިންޑޯރާއްޖެ މެދުވެރިކޮށް ފަތުރުވެރިން ގެނައުމަށް ފުރުސަތު އޮތްކަން، އުންމީދަކީ އިންޑޯރާއްޖެ މެދުވެރިކޮށް އިންޑޮނޭޝީއާއިން ހިދުމަތްތައް ހޯދާ ދިވެހިންނަށް ކުރިއަށް އޮތްތަނުގައިވެސް ފަސޭހަ ކަމާއި އެކު ހިދުމަތް ފޯރުކޮށްދެވިގެން ދިއުން

       ޙަދީޖާ ފާޒް ، ސޯޝަލް މީޑިއާ އެންޑް މާކެޓިންގް ހެޑް

އިންޑޯރާއްޖެއަކީ އިންޑޮނޭޝިއާ އާއި ދިވެހިރާއްޖެއާ ދެމެދު ވިޔަފާރީގެ ގުޅުން ބަދަހިކުރުމަށް މަސައްކަތްކުރާ ކުންފުންޏެކެވެ. މި ކުންފުނިން ރާއްޖޭގެ ވިޔަފާރިވެރިންނަށް އަގުހެޔޮކޮށް މުދާ ހޯދައިދީ، އެތަކެތި ފްރައިޓް ކުރުމަށް ރައްކާތެރިކަމާއެކު ޕެކްކޮށް، ވެއަރހައުސްގައި ބަހައްޓައި، ކަނޑުމަގާއި ވައިގެ މަގުން ފޮނުވުމުގެ މަސައްކަތް  ކުރެއެވެ.

އިންޑޯރާއްޖެއިން އިންޑޮނޭޝިއާ ފަތުރުވެރިން ރާއްޖެ ގެނައުމުގެ މަސައްކަތް ފަށައިފި

އިންޑޯރާއްޖޭގެ ހެޑް އޮފީސް

މިހާރުވެސް ރާއްޖެއަށް ވަރަށް ގިނަ އަދަދެއްގެ މުދާ އިންޑޯރާއްޖެ މެދުވެރިކޮށް ފޯރުކޮށްދެއެވެ. މީގެއިތުރުން އިންޑޮނޭޝިއާގައި ލިބެންހުރި ތަފާތު ގިނަ ބާވަތްތަކުގެ އުފެއްދުންތައް ބައިނަލްއަޤްވާމީ މާކެޓްތަކަށް އިންޑޯރާއްޖެއިން ފޯރުކޮށްދެއެވެ. އިންޑޯރާއްޖޭގެ ކަސްޓަމަރުންގެ %70 އަކީ ދިވެހިރާއްޖެ އެވެ. ހަމައެހެންމެ  ޤަޠަރު، ޗައިނާ، އިންޑިއާ އަދި ބަންގްލަދޭޝްގެ މާކެޓްތަކަށްވެސް އިންޑޯރާއްޖެ އިން ޚިދުމަތް ފޯރުކޮށްދެއެވެ.

އިންޑޯރާއްޖެއިން ވަނީ އަގާއި އަޅާބަލާއިރު އެންމެ ރަނގަޅު ފެންވަރުގެ އުފެއްދުންތައް ފޯރުކޮށްދިނުމަށްޓަކައި އިތުބާރުހުރި ސިނާއަތްތަކާއެކު ގުޅުން ބަދަހިކޮށް، އެފަދަ ތަންތަނުން އުފެއްދުންތައް ހޯދުމަށް މަސައްކަތްކުރުމަށް ވަކިން ޚާއްޞަވެފައެވެ.

ރާއްޖޭގެ އެންމެ ގިނަ ދުވަސްވީ ކޫރިއަރ ސަރވިސް ކަމުގައިވާ ރެޑްބޮކްސްއާ ގުޅިގެން އިންޑޯރާއްޖެއިން ދޭ ޚިދުމަތެއްގެ ގޮތުގައި "ރެޑްބޮކްސް އިންޑޮނޭޝިއާ" ގެ ނަމުގައި އެސިސްޓެޑް ޝޮޕިންގ އަދި ކޫރިއަރގެ ޚިދުމަތް ފޯރުކޮށްދެއެވެ. މާކްސް  އެންޑް ސްޕެންސަރ ، ޒާރާ ،ލަޒާޑާ، ޓޮކޮޕީޑިއާ، ބެރީ ބެންކާ ފަދަ ގިނަމީހުންގެ މަޤްބޫލުކަން ލިބިފައިވައިވާ އުފެއްދުންތައް ފަސޭހައިން ލިބޭނެ ގޮތް އިންޑޮރާއްޖެއިން ފަހިކޮށްދެއެވެ.

{{img-2779-3}}

މި ޚިދުމަތުގެ ތެރެއިން ރާއްޖޭގެ ކޮންމެ ހިސާބަކަށްވެސް ގޭގެ ދޮރާ ހަމައަށް އިންޑޮނޭޝިއާއިން ގަންނަ ތަކެތި ޝިޕްކޮށް ޑެލިވަރީ ކޮށްދެއެވެ. މީގެ އިތުރުން ރާއްޖެއިން އިންޑޮނޭޝިއާއަށް ދަތުރުކުރާ ދިވެހިންނަށް އެހީތެރިކަން ފޯރުކޮށްދިނުމާއެކު އެކި ކަންކަމުގައި ކޮންސަލްޓަންސީ އަދި އެހީތެރިކަން ފޯރުކޮށްދެއެވެ.

އިންޑޮރާއްޖޭގެ މައިގަނޑު މަޤްޞަދަކީ  ކަސްޓަމަރުންނަށް ފުރިހަމައަށް ހިތްހަމަޖެހޭ ގޮތަށް ޚިދުމަތް ދިނުމެވެ. އަދި މިކަން ހާސިލުކުރުމަށްޓަކައި، ރަނގަޅު ފެންވަރެއްގެ ޚިދުމަތް، އަދި ތަފާތު ބާވަތްތަކުގެ އައިޓަމްތަކުގެ ފުރިހަމަ ރޭންޖެއް ފޯރުކޮށްދިނުމުގެ ޔަޤީންކަން ކުންފުނިން ދެއެވެ.

މި ލިޔުން ކިޔާލުމުން

Ads by MSS