ހައިވޭގައި ދުއްވި 3 ސައިކަލު ޖެހި އެކްސިޑެންޓެއް: 5 މީހުންނަށް އަނިޔާވެއްޖެ

ރޭ 12:11 ހާއިރު ހުޅުމާލެ ބްރިޖުގައި 3 ސައިކަލު ޖެހި އެކްސިޑެންޓެއް ހިނގައިފިއެވެ. މި މައްސަލަ ފުލުހުންނަށް ވަނީ ހުށަހެޅިފައެވެ.

މި އެކްސިޑެންޓް ހިނގާފައިވަނީ އެއް ސައިކަލެއް އޯވަރޓޭކް ކުރަން އުޅުމުގެ ތެރޭގައި އަނެއް 2 ސައިކަލު ޖެހި، ފަހަތުން އައި އަނެއް ސައިކަލު ޖެހިގެންނެވެ.

މި އެކްސިޑެންޓުގައި އަނިޔާވި 5 މީހުންގެ ތެރެއިން 4 މީހަކަށް ފަރުވާ ދިނުމަށްފަހު ރޭ ވަނީ ދޫކޮށްލާފައެވެ. އަނެއް މީހާއަށް ޓްރީޓޮޕް ހޮސްޕިޓަލުގައި ދަނީ ފަރުވާދެމުންނެވެ. އެ މީހާގެ ހާލު ސީރިއަސް ނޫން ކަމަށް ހޮސްޕިޓަލުން ފުލުހުންނަށް މަޢުލޫމާތު ދެއެވެ.

މި އެކްސިޑެންޓުގައި ގަވާއިދާ ޚިލާފަށް ދުއްވި ސައިކަލު ޓޯ ކޮށް، މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.