ފަޒުލް އަދި ފަޒީލް ނުހިމަނާ، ފުރުން މަނާކުރި 9 މީހުންގެ އަމުރު ބާޠިލުކޮށްފި

ބިންވެރިޔާ ހައުސިންގ ސްކީމާ ގުޅުންހުރި މައްސަލައާ ގުޅިގެން، ކުރިން ރާއްޖެއިން ބޭރަށް ދަތުރުކުރުން މަނާކުރި މީހުންގެ ތެރެއިން 9 މީހެއްގެ މައްޗަށް ނެރެފައިވާ އަމުރު ވަނީ ބާޠިލު ކޮށްފައެވެ. މި ފިޔަވަޅު އަޅާފައިވަނީ ޕްރޮސެކިއުޓަރ ޖެނެރަލްއާ މަޝްވަރާކޮށް، ޕްރޮސެކިއުޓަރ ޖެނެރަލްގެ ލަފާގެ މަތިންނެވެ.

މި މައްސަލައިގައި ދަތުރުކުރުން މަނާކުރި މީހުންގެ ތެރޭގައި އިބްރާހިމް ފަޟުލް ރަޝީދު އަދި މުޙައްމަދު ފަޟީލް ރަޝީދު ނުހިމެނޭކަން ފާހަގަކުރެވެއެވެ. މި ދެ ފަރާތުގެ މައްޗަށް ނެރެފައިވާ އަމުރު އަދިވެސް ދެމިއޮތްކަން އެނގެއެވެ.

މި ފިޔަވަޅު އެޅުމުގެ ސަބަބާއި، އަމުރު ބާޠިލުކުރެވުނު 9 މީހުންނަކީ ކޮބައިކަން އަދި ހާމަކޮށްފައެއް ނުވެއެވެ.