ކުޅިވަރު

ޗެލްސީ ބަލިކޮށް އިޕްސްވިޗުގެ 22 އަހަރުވީ ދިގު އިންތިޒާރަކަށް ނިމުމެއް

ޗެލްސީ ބަލިކޮށް އިޕްސްވިޗުގެ 22 އަހަރުވީ ދިގު އިންތިޒާރަކަށް ނިމުމެއް

ލިއާމް ޑިލެޕް

މިފްތާޙް މުޙައްމަދު

މިފްތާޙް މުޙައްމަދު

31 ޑިސެމްބަރު 2024، 01:36

31 ޑިސެމްބަރު 2024، 01:36

ހުލާސާ

/2001 ސީޒަނަށްފަހު ޕްރިމިއަރ ލީގަށް އަލަށް ކޮލިފައިވި އިޕްސްވިޗުން އެ ކްލަބުގެ ފުރަތަމަ ހޯމް މެޗު ކާމިޔާބު ކުރިއިރު، އެ ޓީމުގެ ތަރިއަކީ ޓީމުގެ ކުރިޔަށް ކުޅެމުން އަންނަ ލިއާމް ޑިލެޕް.

އިންގްލިޝް ޕްރިމިއަރ ލީގުގެ ރޭހުގައި ވާދަކުރަމުންދާ ޗެލްސީގެ މައްޗަށް 2-0 އިން ކުރި ހޯދައި، އިޕްސްވިޗް ޓައުނުން 22 އަހަރު ތެރޭގައި އެ ޓީމުގެ އަމިއްލަ ދަނޑުގައި ފުރަތަމަ ފަހަރަށް ޕްރިމިއަރ ލީގު މެޗަކުން މޮޅުވެއްޖެއެވެ.

02/2001 ސީޒަނަށްފަހު ޕްރިމިއަރ ލީގަށް އަލަށް ކޮލިފައިވި އިޕްސްވިޗުން އެ ކްލަބުގެ ފުރަތަމަ ހޯމް މެޗު ކާމިޔާބު ކުރިއިރު، އެ ޓީމުގެ ތަރިއަކީ ޓީމުގެ ކުރިޔަށް ކުޅެމުން އަންނަ ލިއާމް ޑިލެޕްއެވެ.

އިޕްސްވިޗުން މެޗުގައި ލީޑު ނެގީ، ޗެލްސީގެ ގޯލްކީޕަރ ފިލިޕް ޖޯޖެންސެން ކުރި ފައުލަކުން ލިބުނު ޕެނަލްޓީއަކުންނެވެ. ޑިލެޕްގެ ޕެނަލްޓީ އަމާޒުކުރި ފަޅި ޖޯޖެންސެންއަށް ދިމާކުރެވުނު ނަމަވެސް، ޑިލެޕްގެ ޕެނަލްޓީ މަތަކުރެވޭނެ ގޮތެއް އޭނާއަކަށް ނުވިއެވެ. ނަތީޖާއަކަށްވީ މެޗުގެ 12 ވަނަ މިނެޓުގައި އިޕްސްވިޗަށް ލީޑު ލިބުމެވެ. 

ޗެލްސީއަށް މެޗުގެ ނަތީޖާ ހަމަހަމަ ކޮށްދިނުމަށް ޖާއޯ ފެލިކްސް ވަނީ 24 ވަނަ މިނެޓުގައި ގޯލެއް ކާމިޔާބުކޮށްފައެވެ. ނަމަވެސް ވީޑިއޯ އެސިސްޓެންޓް ރެފްރީ (ވީއޭއާރު) ނިންމީ އެ ބޯޅަ ގޯލަށް ފޮނުވާލުމުގެ ކުރިން ޖާއޯ ފެލިކްސް އޮފްސައިޑުގައި ހުރިކަމަށެވެ.

އިޕްސްވިޗުން މެޗުގެ ލީޑު ފުޅާ ކުރީ ދެވަނަ ހާފުގެ 8 ވަނަ މިނެޓުގައި ޗެލްސީގެ ޑިފެންޑަރ އެސެލް ޑިސާސީއަށް ހެދުނު ގޯހެއްގެ ބޭނުން ހިފައިގެންނެވެ. އޭނާ ފަހަތަށް ކުޅެލި ބޯޅަ ހޯދުމަށްފަހު ޑިލެޕް ވަނީ ޗެލްސީގެ ޕެނަލްޓީ އޭރިއާގެ ތެރެއަށް ވަދެ، ގޯލާ ސީދާވާގޮތަށް ހުރި އޮމާރީ ހަޗިންސަންއަށް ޕާސްކޮށްލާފައެވެ. ހަޗިންސަން އެ ބޯޅަ ގޯލަށް ފޮނުވާލީ، ޗެލްސީގެ ޑިފެންޑަރުން ކައިރިން ނައްޓާލުމަށްފަހުއެވެ.

ހަމަލާތައް ކާމިޔާބު ނުކުރެވުނު ނަމަވެސް، ޗެލްސީގެ ކޯލް ޕާމާ ވަނީ އިޕްސްވިޗްގެ ގޯލަށް އެއް ފަހަރަށް ވުރެން ގިނަ ފަހަރު ނުރައްކާ ކޮށްފައެވެ. އެގޮތުން ހިލޭ ޖެހުމަކުން ފޮނުވާލި ބޯޅަ ގޯލުގެ ދަނޑީގައި ޖެހުނުއިރު، އޭނާ ފޮނުވާލި އިތުރު ހަމަލާއެއް އިޕްސްވިޗްގެ ގޯލްކީޕަރ ކްރިސްޓިއަން ވޯލްޓަންއަށް މަތަކުރެވުނީ ހަމަ ކިރިޔާއެވެ. 

މި ނަތީޖާއާއެކު ލީގުގެ ހަތަރުވަނައަށް ޗެލްސީ ވެއްޓުނުއިރު، އިޕްސްވިޗް އޮތީ 15 ޕޮއިންޓާއެކު ރެލިގޭޝަންގައެވެ. 

މި ލިޔުން ކިޔާލުމުން

Ads by MSS