Ads by Exprox

ޚަބަރު

އާ އަހަރުގެ ދެވަނަ ދުވަހު ސަރުކާރު ބަންދު ވިޔަސް ޕާސްޕޯޓުގެ ހިދުމަތް ލިބޭނެ: އިމިގްރޭޝަން

އާ އަހަރުގެ ދެވަނަ ދުވަހު ސަރުކާރު ބަންދު ވިޔަސް ޕާސްޕޯޓުގެ ހިދުމަތް ލިބޭނެ: އިމިގްރޭޝަން

އިމިގްރޭޝަން އޮފިސަރަކު ޕާސްޕޯޓު ދޫކުރަނީ، ފޮޓޯ: އިމިގްރޭޝަން

މިފްތާޙް މުޙައްމަދު

މިފްތާޙް މުޙައްމަދު

31 ޑިސެމްބަރު 2024، 08:27

31 ޑިސެމްބަރު 2024، 08:27

ހުލާސާ

އެ އިދާރާއިން މިކަން އިއުލާން ކުރުމުގެ ގޮތުން ސޯޝަލް މީޑިއާގައި ކުރި ޕޯސްޓެއްގައި ބުނެފައިވަނީ، އެ ދުވަހު ޕާސްޕޯޓު ދޫކުރުމުގެ ހިދުމަތް ދޭނީ ހެނދުނު 08:30 އިން ފެށިގެން މެންދުރުފަހު 2:00 އާއި ހަމައަށް ކަމަށް.

2025 ޖެނުއަރީ 2 ވާ ބުރާސްފަތި ދުވަހަކީ ސަރުކާރު ބަންދު ދުވަހެއްގެ ގޮތުގައި ސަރުކާރުން ކަނޑައަޅާފައި އޮތް ނަމަވެސް، އިމިގްރޭޝަންގެ މާލޭ އޮފީހުން ޕާސްޕޯޓުގެ ހިދުމަތް ލިބޭނެކަމަށް މޯލްޑިވްސް އިމިގްރޭޝަނުން ބުނެފިއެވެ.

އެ އިދާރާއިން މިކަން އިއުލާން ކުރުމުގެ ގޮތުން ސޯޝަލް މީޑިއާގައި ކުރި ޕޯސްޓެއްގައި ބުނެފައިވަނީ، އެ ދުވަހު ޕާސްޕޯޓު ދޫކުރުމުގެ ހިދުމަތް ދޭނީ ހެނދުނު 08:30 އިން ފެށިގެން މެންދުރުފަހު 2:00 އާއި ހަމައަށް ކަމަށެވެ. 

އިމިގްރޭޝަނަށް ޕާސްޕޯޓާއި ހަވާލުވުމަށް ދިއުމުގެ ކުރިން ކިއުބީ އެޕްލިކޭޝަން މެދުވެރިކޮށް ނަންބަރެއް ނަގަން ޖެހެއެވެ. އަދި އެޕްލިކޭޝަން ބޭނުން ކުރުމަށް އުނދަގޫ ފަރާތްތަކުން، ޕާސްޕޯޓު ދޫކުރުމަށް ކަނޑައަޅާފައިވާ ގަޑީގައި އިމިގްރޭޝަނަށް ދިއުމުން ވެސް ކިއު ނަންބަރު ދޫކުރާނެއެވެ. 

ޕާސްޕޯޓަށް އެދި ހުށަހެޅުމުގެ މަރުހަލާ އިމިގްރޭޝަނުން މިހާރު ވަނީ ޑިޖިޓަލައިޒްކޮށްފައެވެ. އެގޮތުން، އެޕްލިކޭޝަން ހުށަހެޅޭނީ އެ އިދާރާގެ ޑިގިޓަލް ސަރވިސް ޕްލެޓްފޯމް، އިމުގާ މެދުވެރިކޮށެވެ.  

ނަމަވެސް އުމުރުން 65 އަހަރުން މަތީގެ ބޭފުޅުންނަށާއި، މެޑިކަލް އެމަޖެންސީ ހާލަތްތަކުގައި ދަތުރުކުރާ މީހުންނަށް މި ހިދުމަތް ލުއިފަސޭހަ ކޮށްދިނުމުގެ ގޮތުން، އެ ފަރާތްތަކަށް އިމިގްރޭޝަނަށް ގޮސް ވެސް ޕާސްޕޯޓަށް އެދި ހުށަހެޅޭނެއެވެ.

ޕާސްޕޯޓު ބަލާ އިމިގްރޭޝަނަށް ދާއިރު މިހާރު އައިޑީ ކާޑު ގެންދާކަށް ނުޖެހެއެވެ. އަދި އެމީހަކަށް އެންމެ ފަހުން ދޫކޮށްފައިވާ ޕާސްޕޯޓުގެ މުއްދަތު ހަމަވެފައިވާނަމަ، މުއްދަތުހަމަވެފައިވާ ޕާސްޕޯޓު ގެންދާކަށް ވެސް ނުޖެހޭނެއެވެ. ނަމަވެސް އެ ޕާސްޕޯޓުގައި މުއްދަތު އޮތްނަމަ، އާ ޕާސްޕޯޓާ ހަވާލުވުމަށް ދާއިރު އެންމެ ފަހުން ދޫކޮށްފައިވާ ޕާސްޕޯޓު ގެންދަން ޖެހޭނެއެވެ.

މި ލިޔުން ކިޔާލުމުން

Ads by MSS