ދުންފަތުގެ އިސްތިއުމާލު ކުރުން މަނާ އާންމު ތަންތަނާ ބެހޭ ޤަވާޢިދު އިތުރަށް ހަރުދަނާކުރުމަށް ބައްދަލުވުމެއް ބާއްވައިފި

ދުންފަތުން އެއްކިބާވެފައިވާ މުޖުތަމައުއެއް ބިނާކުރުމަށް ސަރުކާރުން ކުރައްވަމުން އަންނަ މަސައްކަތުގެ ތެރެއިން އާންމު ތަންތަނުގައި ދުންފަތުގެ އިސްތިޢުމާލު ކުރުމާއި ގުޅެގޮތުން ޤަވާއިދެއް އެކުލަވާލުމަށް  ސިއްޙީ ވުޒާރާގައި މުހިންމު ބައްދަލުވުމެއް ބޭއްވިއްޖެއެވެ. މި ބައްދަލުވުމުގައި ދުންފަތުން އެއްކިބާވެފައިވާ އާންމު ތަންތަނާ ގުޅޭ ގަވާއިދު އިތުރަށް ފުރިހަމަކުރުމަށް މަޝްވަރާކުރެވުނެވެ.

މި ބައްދަލުވުމުގައި ސިއްޙީ ވުޒާރާގެ އިސް ބޭފުޅުންނާއި، ކަމާ ގުޅުންހުރި އެހެނިހެން މުއައްސަސާތަކުގެ ތަޖުރިބާކާރުން ބައިވެރިވިއެވެ. ބައްދަލުވުމުގައި ދުންފަތުން އެއްކިބާވެފައިވާ އާންމު ތަންތަނާ ގުޅޭ ގަވާއިދު އެކުލަވާލުމުގައި ސަމާލުކަން ދޭންޖެހޭ ކަންކަމާ ގުޅޭގޮތުން ފުޅާ ދާއިރާއެއްގައި މަޝްވަރާކުރެވުނެވެ.

މި ބައްދަލުވުމަކީ ދުންފަތުގެ އިސްތިޢުމާލުން ރައްކާތެރިވެފައިވާ، ސިއްޙަތަށް ފައިދާހުރި މުޖުތަމަޢުއެއް ބިނާކުރުމަށް އެޅޭ މުހިންމު ފިޔަވަޅެކެވެ. އަދި މި މަސައްކަތުގެ ސަބަބުން ދިވެހިރާއްޖޭގެ އާންމު ތަންތަނަކީ ދުންފަތުގެ އިސްތިޢުމާލުން އެއްކިބާވެފައިވާ ތަންތަނަށް ހެދުމަށް އިތުރު ކުރިއެރުމެއް ލިބިގެންދާނެ ކަމަށް އުންމީދުކުރެވެއެވެ.

A productive stakeholder meeting was held at the Ministry to refine the Smoke-Free Public Places Regulation.This collaborative effort is a step closer towards healthier, smoke-free future.#TobaccoControl #HealthierTomorrow pic.twitter.com/rNuPWwMAkk

— Ministry of Health (@MoHmv) January 2, 2025