ޚަބަރު
އައްޑޫގެ ފެން ހިންދާ ނިޒާމުގެ ޕަމްޕްތައް މާލެ ގެންނަން އުޅޭ ވާހަކަ ވަޒީރު ދޮގުކުރައްވައިފި

އައްށޫ==ޑޫގެ މަގެއް ފޮޓޯ:މިއެންޑަރިންގ ވައިލްޑް
އިމާރަތްކުރުމާއި ގެދޮރުވެރިކަމާއި ބިނާރާ ބެހޭ ވަޒީރު ޑރ. ޢަބްދުﷲ މުއްޠަލިބް ވަނީ އައްޑޫ ސިޓީގައި ޤާއިމުކޮށްފައިވާ ފެން ހިންދާ ނިޒާމުގެ ޕަމްޕްތައް ނަގައިގެން މާލެ ގެންނަން އުޅޭކަމަށް ދެކެވޭ ވާހަކަ ދޮގުކުރައްވައިފިއެވެ.
އައްޑޫ ސިޓީގެ ފެން ހިންދާ ނިޒާމުގެ މަސައްކަތަކީ އިންޑިއާގެ އެފްކޮންސް ކުންފުންޏާ ހަވާލުކޮށް ކުރިއަށްގެންދާ އައްޑޫ މަގު ހެދުމުގެ މަޝްރޫޢުގައި ހިމެނޭ މަސައްކަތެކެވެ. މި މަޝްރޫޢުގެ ދަށުން 100 ކިލޯމީޓަރުގެ މަގު ހެދުމުގެ މަސައްކަތް މިހާރު ވަނީ ފަހު ނިންމުމުގެ މަރުޙަލާގައެވެ.
ވަޒީރު ވިދާޅުވިގޮތުގައި އައްޑޫގެ ފެން ހިންދާ ނިޒާމުގެ މަސައްކަތްތައް އަދި މުޅިން ނުނިމެއެވެ. އަދި ޕަމްޕް ސްޓޭޝަންތަކުގައި ބަހައްޓާ ޕަންޕްތައް އިންސްޓޯލްކުރުމާއި ޓެސްޓުކުރުމުގެ މަސައްކަތްތައް، ކޮންޓްރެކްޓަރު މިވަގުތުވެސް ކުރަމުންދެއެވެ.
ވިއްސާރަ ދުވަސްވަރު ފެންބޮޑުވުމުގެ މައްސަލައަކީ އައްޑުއަށް ދިމާވެފައިވާ ބޮޑު މައްސަލައެކެވެ. އެހެންކަމުން، އައްޑޫގެ މަގުތައް ތަރައްޤީކުރުމުގެ މަސައްކަތް ނިމޭއިރު، ރަށްރަށުގައި ފެންބޮޑުވާ މައްސަލައަށް ވަރަށް ބޮޑު އިސްކަމެއް ދީގެން ރިޢާޔަތްކުރަމުންދާކަމަށް ވަޒީރު މީގެކުރިންވެސް ވިދާޅުވެފައިވެއެވެ.
https://publish.twitter.com/?query=https%3A%2F%2Ftwitter.com%2Fmuththo%2Fstatus%2F1874682739993285041&widget=Video
އައްޑޫ މަގު ހެދުމުގެ މަޝްރޫޢުއަކީ 1 ބިލިއަން ރުފިޔާގެ މަޝްރޫޢުއެކެވެ. މި މަޝްރޫޢުގެ ދަށުން އައްޑޫ ފެދޫ، މަރަދޫ، މަރަދޫ ފޭދޫ، ހިތަދޫ އަދި ހުޅުމީދޫގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް ކުރިއަށްދެއެވެ. މި މަސައްކަތް ނިމޭއިރު، ބޯކޮށް ވާރޭވެހި ފެން ބޮޑުވެއްޖެނަމަ ފެން ހިންދުމަށް ބޭނުންވާނެ ޒަމާނީ ނިޒާމެއް އައްޑޫގައި ޤާއިމުވެފައި އޮންނާނެކަމަށް ވަޒީރު ވިދާޅުވެފައިވެއެވެ.