ބަނގުރާ ދަޅުތަކަކާ އެކު ބިދޭސީއަކު ހައްޔަރުކޮށްފި!

ބަނގުރާ ދަޅުތަކަކާ އެކު ބިދޭސީއަކު ހައްޔަރުކޮށްފިއެވެ. 

ދިވެހި ފުލުހުންގެ ޚިދުމަތުން ބުނީ، އެ އިދާރާއަށް ލިބުނު މައުލޫމާތަކާ ގުޅިގެން ރޭ ހިންގި އެ އޮޕަރޭޝަނުގައި ހުޅުމާލެ ފޭސް 1 މިދިލިމަގުން ކާރެއް ހުއްޓުވައި ބަލައިފާސްކުރިއިރު 144 ދަޅު ބަނގުރާ އަދި 4 ފުޅި ބަނގުރާ ފެނިފައިވާ ކަމަށެވެ.

މި މައްސަލައާ ގުޅިގެން ހައްޔަރުކޮށްފައިވަނީ އެމްޑީ ކާލޫ (26އ) ނަމަކަށް ކިޔާ ބަންގްލަދޭޝް އަށް ނިސްބަތްވާ މީހެކެވެ.

މި މައްސަލަ ހުޅުމާލެ ފޭސް 1 ޕޮލިސް ސްޓޭޝަނުން ގެންދަނީ ތަޙުޤީޤުކުރަމުން ކަމަށް ފުލުހުން ވަނީ ބުނެފައެވެ.