ދިމާވާ ކާރިސާތަކުގައި ދިވެހި ފުލުހުންނާއި ސިފައިންގެ އިތުރުން ހީވާގިކަމާއިއެކު އެހީތެރިވާ ހުރިހާ އެންމެނަށް ޝުކުރު ހައްޤު

ރެކޯޑު އަދަދަކަށް ވާރޭވެހި، މާލޭގައި ފެންބޮޑުވުމުމާއި ގުޅިގެން، މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)، ފުލުހުން،އަދި އެންޑީއެމްއޭ  އެތައް ރައްޔިތުންނެއް މި ގުދުރަތީ ކާރިސާގެ ބަޠަލުންގެ ގޮތުގައި ފާހަގަވެފައިވެއެވެ. ނޭދެވޭ މޫސުމީ ޙާލަތްތަކުގެ ތެރޭގައިވެސް އެ ފަރާތްތަކުގެ ހުއްޓުމެއްނެތް މަސައްކަތްތަކަކީ ފެންބޮޑުވުމުގެ އަސަރު ކުޑަކުރުމަށާއި އަސަރުކުރި ރައްޔިތުންނަށް ބޭނުންވާ އެހީތެރިކަން ފޯރުކޮށްދިނުމަށް ވަރަށް މުހިންމު ދައުރެއް އަދާކޮށްފައިވާ މަސައްކަތްތަކެކެވެ.

24 ގަޑިއިރުގެ ތެރޭގައި މާލޭގައި 160 މިލިމީޓަރުގެ ވާރޭވެހުނު ހިނދު - އޭގެ ތެރެއިން 60 މިލިމީޓަރު ވެހުނީ އެންމެ ގަޑިއިރެއްގެ ތެރޭގައި - މަގުތަކުގައި ފެންބޮޑުވެގެން ދިޔައެވެ. ގެތަކާއި، ވިޔަފާރިތަކާއި، ސައިކަލާއި ކާރު ގެ އިތުރުން މުހިންމު ވަސީލަތްތައް ފެނުގެ ތެރެއަށް ގެއްލި، ފަހުގެ ތާރީޚެއްގައި ދިމާވި އެންމެ ބޮޑޫ ފެންބޮޑުވުމުގެ ކާރިސާއަށް  ކުރިމަތިލާން ޖެހުނެވެ. ހުއްޓުމެއްނެތި ވެހެމުންދިޔަ ވާރެއާއި ގޮންޖެހުންތަކުގެ ތެރޭގައިވެސް އެމްއެންޑީއެފް އާއި އެހެނިހެން  ޓީމުތަކުން މި ޙާލަތު ކޮންޓްރޯލްކުރުމަށް ގަދައަޅައި މަސައްކަތްކުރިއެވެ.

ފެން ޕަންޕުތައް ބޭނުންކޮށްގެން މާލޭގެ  މުހިންމު 6 ސަރަޙައްދެއްގައި ފެންހިންދާ ، އޭގެއިތުރުން ފެންބޮޑުވި ރަށްތަކުގައިވެސް ޕަންޕުބޭނުންކުރިއެވެ. އެމްއެންޑީއެފްއިން ރޭގަނޑު މުޅިރޭ ޕަންޕުތައް ހިންގައި، ރޭގަނޑު 8:30 ހާއިހަަމައަށް މަގުތަކުން ގާތްގަނޑަކަށް 10،000 ޓަނުގެ ފެން ހިންދިއެވެ.

މީގެއިތުރުން ރައްޔިތުންނާއި ، ފުލުހުން އަދި ކައުންސިލްތަކާއި ސިފައިން ނުކުމެ ފެން ހިންދުމަށް ކޯރު ކޮނެގެން ވެސް ފެންގަނޑު ހިންދުމަށް ވަނީ ބުރަ މަސައްކަތްތަކެއް ކޮށްފައެވެ.
މީގެއިތުރުންވެސް ފެން ބޮޑުވެފައިވާ ގެތަކާއި ފިހާރަތަކުގެ ބޭރުގައި ވެލިބަސްތާ ޖެހުމާއި ، ގެއްލުން ވަމުންދާ ސައިކަލު ތައް ރައްކާތެރިކުރުމުގެ އިތުރުން ވިއްސާރައިގައި ދިމާވި ކޮންމެ ކަމަކަށް ވެހުނު ބޯ ކެރިނގަނޑުގެ ތެރޭގައި ވަރުބަލި ކަމެއް ނެތި ގިނަ އެހީތެރިކަން ފޯރުކޮށްދިންކަން ފާހަގަކޮށްލަން ޖެހެއެވެ.

ޑިޒާސްޓަރ މެނޭޖްމަންޓް ސެންޓަރުން ވަނީ ގެއްލުންލިބުނު ފަރާތްތައް  ވިލަރެސްކޮށް، ގެއްލުންވި މީހުންނަށް އެހީތެރިކަން ލިބޭކަން ކަށަވަރުކޮށް ވަގުތީ ހިޔާވަހިކަމާއި ކެއިންބުއިމުގެ އިންތިޒާމް ހަމަޖައްސައިދީފައެވެ.މި ކާރިސާއިން ދިވެހި ރައްޔިތުންގެ ކެތްތެރިކަމާއި އެއްބައިވަންތަކަން ދައްކުވައިދީފައިވެއެވެ.