ޚަބަރު
އިސްލާމިކް މިނިސްޓްރީން 2025 ވަނަ އަހަރުގެ ކަލަންޑަރު ނެރެފި

އިސްލާމިކް މިނިސްޓްރީގެ 2025 ހުގެ ކަލެންޑަރ ފޮޓޯ: ސަރުކާރު
އިސްލާމީ ކަންތައްތަކާ ބެހޭ ވުޒާރާއިން 2025 ވަނަ އަހަރުގެ ކަލަންޑަރު ނެރެ، އާންމުކޮށް ވިއްކަން ފަށައިފިއެވެ. މި ކަލަންޑަރުގައި ހިޖުރީ އަދި މީލާދީ ތާރީޚުތަކާއި، ރަސްމީ ބަންދު ދުވަސްތަކާއި، ނަކަތްތަކާއި އަދި ނަމާދު ވަގުތުތައް ހިމެނިފައިވާކަމަށް ވުޒާރާއިން މަޢުލޫމާތު ދެއެވެ.
ވުޒާރާއިން ބުނީ، ފާރުގައި ހަރުކުރާ ކަލަންޑަރު 25 ރުފިޔާއަށް އަދި މޭޒުގައި ބަހައްޓާ ކަލަންޑަރު 50 ރުފިޔާއަށް ވިއްކަން ހަމަޖެހިފައިވާ ކަމަށެވެ. މި ކަލަންޑަރުތައް ރަސްމީ ބަންދު ނޫން ކޮންމެ ދުވަހެއްގެ ހެނދުނު 8:00 އިން މެންދުރުފަހު 2:00 އަށް ވުޒާރާގެ ރިސެޕްޝަނުން ގަންނަން ލިބެން ހުންނާނެ ކަމަށްވެސް އެ ވުޒާރާއިން ހާމަކޮށްފައިވެއެވެ.
މި ކަލަންޑަރަކީ ދިވެހިންނަށް ބޭނުންތެރި ގިނަ މަޢުލޫމާތުތަކެއް ހިމެނޭ، ޚާއްޞަ ގޮތެއްގައި ފަރުމާކުރެވިފައިވާ ކަލަންޑަރެއް ކަމަށް ވުޒާރާއިން ފާހަގަކޮށްފައިވެއެވެ. މީގެ ކުރިން ވެސް އިސްލާމީ ކަންތައްތަކާ ބެހޭ ވުޒާރާއިން ކޮންމެ އަހަރަކު މިފަދަ ކަލަންޑަރެއް ނެރެމުން އަންނަކަން ފާހަގަކުރެވެއެވެ.