Ads by Exprox

ޚަބަރު

ކ. ގުޅީގެ ތަރައްޤީއަށް ބޭނުންވާ ކަންކަން ބެއްލެވުމަށް އެ ރަށުގެ ކަންވޮށިގެންވާ ފަރާތްތަކާ ރައީސުލްޖުމްހޫރިއްޔާ މަޝްވަރާކުރައްވައިފި

ކ. ގުޅީގެ ތަރައްޤީއަށް ބޭނުންވާ ކަންކަން ބެއްލެވުމަށް އެ ރަށުގެ ކަންވޮށިގެންވާ ފަރާތްތަކާ ރައީސުލްޖުމްހޫރިއްޔާ މަޝްވަރާކުރައްވައިފި

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ކުރެއްވެވި ދަތުރުފުޅުގައި ރަށު ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ (އ.ތ.މ.) ކޮމިޓީއާ ބައްދަލުކުރެއްވުން، ފޮޓޯ: ރައީސް އޮފީސް

farudhun logo

ފަރުދުން

05 ޖެނުއަރީ 2025، 08:20

05 ޖެނުއަރީ 2025، 08:20

ހުލާސާ

ރައްޔިތުންނާ ގުޅުންހުރި ދަތިކަންކަމަށް އަލިއަޅުވާލައްވައި ކައުންސިލުން ފާހަގަ ކުރެއްވި ކަންތައްތަކުގެ ތެރޭގައި ރައްޔިތުންނަށް ކުރިމަތިވެފައި އޮތް ބިމުގެ ދަތިކަމާއި، ބަނދަރުގެ ޖާގައިގެ ދަތިކަމާއި އަދި ރަށުގެ ޞިއްޙީ މަރުކަޒުގެ މުވައްޒަފުން މަދުކަމާއި ލެބޯޓަރީގެ ޚިދުމަތްތައް އިތުރަށް ފުޅާކުރުމަށް ބޭނުންވާކަން ހިއްސާ ކުރައްވާފައިވޭ.

 

މާލެ އަތޮޅު ގުޅިއަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ކުރެއްވެވި ދަތުރުފުޅުގައި ރަށު ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ (އ.ތ.މ.) ކޮމިޓީއާ ބައްދަލުކުރައްވައި، އެރަށުގެ ތަރައްޤީއަށް ބޭނުންވާ މުހިންމު ކަންކަމާގުޅޭގޮތުން މަޝްވަރާކުރައްވައިފިއެވެ.

މި ބައްދަލުކުރެއްވުން ކުރިޔަށް ގޮސްފައިވަނީ މިއަދު ހަވީރު އެ ރަށު ކައުންސިލް އިދާރާގައެވެ. 

މަސައްކަތްކުރުމަށް އޮތް އިދާރީ ގޮންޖެހުންތަކަށް އަލިއަޅުވާލައްވައި އެ ރަށު ކައުންސިލުންވަނީ، ކައުންސިލް އިދާރާއިގެ ޖާގައިގެ ދަތިކަން ފާހަގަކުރައްވާފައެވެ. އަދި އެ އިދާރާގެ މަސައްކަތްތައް ބަދަލު ކުރުމަށް އައު އޮފީހެއް އިމާރާތް ކުރުމަށް ނިންމާފައިވާތީ، ރަށު ކައުންސިލުން ރައީސުލްޖުމްހޫރިއްޔާއަށް ޝުކުރު ދަންނަވާފައިވެއެވެ. 

ރައްޔިތުންނާ ގުޅުންހުރި ދަތިކަންކަމަށް އަލިއަޅުވާލައްވައި ކައުންސިލުން ފާހަގަ ކުރެއްވި ކަންތައްތަކުގެ ތެރޭގައި ހިމެނެނީ:

  •  ރައްޔިތުންނަށް ކުރިމަތިވެފައި އޮތް ބިމުގެ ދަތިކަން.
  •  ބަނދަރުގެ ޖާގައިގެ ދަތިކަން .
  •  ރަށުގެ ޞިއްޙީ މަރުކަޒުގެ މުވައްޒަފުން މަދުކަމާއި ލެބޯޓަރީގެ ޚިދުމަތްތައް އިތުރަށް ފުޅާކުރުމަށް ބޭނުންވުން.

ރަށު ކައުންސިލްގެ އިތުރުން އަންހެނުންގެ ތަރައްޤީއަށް މަސައްކަތްކުރާ ކޮމިޓީންވެސް ވަނީ ޖާގައިގެ ދަތިކަމާއި ބަޖެޓުގެ ދަތިކަން ހުރިކަން ރައީސުލްޖުމްހޫރިއްޔާއަށް ދަންނަވާފައެވެ.

މި ބައްދަލުވުމުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވަނީ، އެކަންކަން ބައްލަވާނެކަމަށް ވިދާޅުވެފައެވެ. 

މި ލިޔުން ކިޔާލުމުން

Ads by MSS