ރާއްޖޭގައި ފުރަތަމަ ފަހަރަށް ޒަކާތުގެ ޢިލްމާއި ގުޅޭ ކޯހެއް ފަށަނީ

ރާއްޖޭގައި ފުރަތަމަ ފަހަރަށް ޒަކާތު ޢިލްމުގެ ދާއިރާއިން ކޯހެއް ފެށުމަށް އިލްމް އިންސްޓިޓިއުޓް ފޯރ އިސްލާމިކް ސްޓަޑީޒްއިން ތައްޔާރުވެއްޖެއެވެ. މި ކޯހަކީ "ޑިޕްލޮމާ އިން ޒަކާތު މެނޭޖްމަންޓް ސައިންސް" ގެ ނަމުގައި ހިންގާ އެއް އަހަރު ދުވަހުގެ ކޯހެކެވެ.

މި ކޯހަށް މޯލްޑިވްސް ކޮލިފިކޭޝަން އޮތޯރިޓީން ވަނީ ހުއްދަ ދީފައެވެ. އިލްމް އިންސްޓިޓިއުޓުން މަޢުލޫމާތު ދެއްވި ގޮތުގައި މި ކޯހަކީ ދިވެހި ބަހުން ކިޔަވައިދޭ ކޯހެކެވެ. އަދި މި ކޯހުގައި ކިޔަވައިދެއްވާނީ ރާއްޖޭގެ ޢިލްމީ ބޭފުޅުންނެވެ.

މި ކޯހުގައި ކިޔަވައިދޭ މާއްދާތަކުގެ ތެރޭގައި އަޤީދާ އަދި އިސްލާމީ އަޚްލާޤު، ޒަކާތު ޢިލްމުގެ އާންމު އުޞޫލުތައް، މުދަލު ޒަކާތް ބެހުމުގެ ޝަރުޢީ ޙުކުމްތައް، ދިވެހިރާއްޖޭގެ ޒަކާތު ނިޒާމު، އަދި ޒަމާނީ ޒަކާތު މުއައްސަސާތަކުގެ ހިންގުން ހިމެނެއެވެ. މީގެ އިތުރުން، އިޖުތިމާޢީ އަދި އިޤްތިޞާދީ ތަރައްޤީގައި ޒަކާތުގެ ދައުރު، މުދަލު ޒަކާތް ގުނުމުގެ މައިގަނޑު ކަންތައްތައް، އިސްލާމިކް ފައިނޭންސް، އަދި މުދަލު ޒަކާތުގައި ޒަމާނީ ޝަރީޢަތުގެ މައްސަލަތައް ވެސް ކިޔަވައިދެވޭނެއެވެ.

އިލްމް އިންސްޓިޓިއުޓުން ވިދާޅުވި ގޮތުގައި މި ކޯހަކީ އިސްލާމީ އިޤްތިޞާދުގެ ދާއިރާގައި މަސައްކަތްކުރާ ފަރާތްތަކަށް ވަރަށް މުހިންމު ކޯހަކަށް ވާނެއެވެ. އަދި ވަރަށް އަވަހަށް މި ޕްރޮގްރާމުގައި ބައިވެރިވުމަށް އިޢުލާންކުރާނެ ކަމަށް އެ އިންސްޓިޓިއުޓުން މަޢުލޫމާތު ދެއްވިއެވެ.

މި ކޯހަކީ ރާއްޖޭގައި ޒަކާތު ޢިލްމުގެ ދާއިރާއިން ފަށާ ފުރަތަމަ ކޯސް ކަމަށްވުމާއެކު، މި ދާއިރާއިން ތަޢުލީމު ހާސިލުކުރަން ބޭނުންވާ ފަރާތްތަކަށް މިއީ ވަރަށް މުހިންމު ފުރުޞަތެކެވެ.