Ads by Exprox

ޚަބަރު

ކަސްޓަމްސް އޮފިސަރުންތަކެއްގެ މައްޗަށް އެތައްސަތޭކަ މިލިއަން ރުފިޔާއާ ގުޅޭ މައްސަލައެއް ތަހުގީގުކުރަނީ

ކަސްޓަމްސް އޮފިސަރުންތަކެއްގެ މައްޗަށް އެތައްސަތޭކަ މިލިއަން ރުފިޔާއާ ގުޅޭ މައްސަލައެއް ތަހުގީގުކުރަނީ

ކަސްޓަމްސް ބިލްޑިންގ

މިފްތާޙް މުޙައްމަދު

މިފްތާޙް މުޙައްމަދު

06 ޖެނުއަރީ 2025، 03:14

06 ޖެނުއަރީ 2025، 03:14

ހުލާސާ

ފުލުހުން ބުނެފައިވަނީ، ކަސްޓަމްސް އޮފިސަރުންގެ މައްޗަށް މަނީ ލޯންޑަރިންގ، ހިޔާނާތް އަދި ރިޝްވަތުގެ ދައުވާ ކުރަމުން އަންނަ ކަމަށް.

އިމްޕޯޓު ޑިއުޓީ ނެގުމުގެ ތެރޭގައި މޯލްޑިވްސް ކަސްޓަމްސް ސާވިސްގެ އޮފިސަރުންތަކެއް ރިޝްވަތުގެ އަމަލުތަކެއް ހިންގާފައިވާކަމަށް ތުހުމަތު ކުރެވޭ މައްސަލައެއް ތަހުގީގު ކުރަމުން އަންނަކަމަށް، މޯލްޑިވްސް ޕޮލިސް ސަރވިސްއިން ހާމަކޮށްފިއެވެ.

ރިޕޯޓުތައް ބުނާގޮތުން، މި އޮފިސަރުންގެ އެކައުންޓުތަކުން 400 މިލިއަން ރުފިޔާ ދައުރުކޮށްފައިވެއެވެ. އަދި މި މައްސަލައާ ގުޅިގެން ތިން އޮފިސަރެއްގެ މައްސަލަ އަންނަނީ ތަހުގީގުކުރަމުންނެވެ. 

ނަމަވެސް މި މައްސަލައިގައި ކަސްޓަމްސްގެ 20 އޮފިސަރެއްގެ ބައިވެރިވުން އޮތްކަމަށް މައުލޫމާތު ލިބެއެވެ. 

މި މައްސަލައާ ގުޅޭ ބައެއް ކަންކަން، ރައްޔިތުންގެ މަޖިލީހުގެ 241 ކޮމެޓީއަށް ވެސް ހުށަހަޅާފައިވެއެވެ. މި ކޮމެޓީގެ ބައްދަލުވުންތައް ސިއްރުކޮށްގެން ކުރިޔަށް ގެންގޮސްފައިވާއިރު، މި ކަމުގައި ސަރުކާރުގެ ކަމާގުޅުންހުރި އިދާރާތަކުގެ ބައެއް އިސްވެރިންނާ ކޮމިޓީން ސުވާލުކޮށްފައިވާކަމަށް އެނގިފައިވެއެވެ.

މި މައްސަލައާ ގުޅިގެން ފުލުހުން ބުނެފައިވަނީ، ކަސްޓަމްސް އޮފިސަރުންގެ މައްޗަށް މަނީ ލޯންޑަރިންގ، ހިޔާނާތް އަދި ރިޝްވަތުގެ ދައުވާ ކުރަމުން އަންނަ ކަމަށެވެ.

"މޯލްޑިވްސް ކަސްޓަމްސް ސަރވިސްގެ މުވައްޒަފުންތަކަށް ތުހުމަތު ކުރެވޭ މަނީ ލޯންޑަރިންގ، ހިޔާނާތް އަދި ރިޝްވަތުގެ މައްސަލައެއް ފުލުހުންގެ ސަމާލުކަމަށް އައުމާ ގުޅިގެން، 2024 އޯގަސްޓް 19 ވަނަ ދުވަހު އެ މައްސަލައިގެ ތަހުގީގު ދިވެހި ފުލުހުންގެ ޚިދުމަތުން ވަނީ ފަށާފައި"، ފުލުހުން މީޑިއާތަކަށް ހިއްސާކުރި މެސެޖުގައި ބުނެފައިވެއެވެ.


މި ލިޔުން ކިޔާލުމުން

Ads by MSS