ދުނިޔެ

ކެނެޑާގެ ބޮޑުވަޒީރު ޖަސްޓިން ޓްރޫޑޯ އިސްތިއުފާ ދޭން ނިންމައިފި

ކެނެޑާގެ ބޮޑުވަޒީރު ޖަސްޓިން ޓްރޫޑޯ އިސްތިއުފާ ދޭން ނިންމައިފި

ޖަސްޓިން ޓްރޫޑޯ ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

06 ޖެނުއަރީ 2025، 09:19

06 ޖެނުއަރީ 2025، 09:19

ކެނެޑާގެ ބޮޑުވަޒީރު ޖަސްޓިން ޓްރޫޑޯ މިއަދު އޭނާގެ މަޤާމުން އިސްތިއުފާ ދޭން ނިންމައިފިކަމަށް އެ ޤައުމުގެ ސަރުކާރުގެ އިސް އޮފިޝަލަކު މައުލޫމާތު ދީފިއެވެ. އޭނާގެ ވެރިކަމާ މެދު ރައްޔިތުންގެ ހިތްހަމަނުޖެހުން އިތުރުވަމުން ދިޔުމާއި، އޭނާގެ ސަރުކާރުގެ މާލީ ވަޒީރު ކުއްލިގޮތަކަށް އިސްތިއުފާ ދިނުމާ ގުޅިގެން ސަރުކާރުގެ ތެރޭގައި އުފެދިފައިވާ ހަލަބޮލިކަމާ ގުޅިގެން މި ނިންމުން ނިންމާފައިވާކަމަށް ބެލެވެއެވެ.

ޓްރޫޑޯ އިސްތިއުފާ ދިނުމަށްފަހުވެސް ލިބަރަލް ޕާޓީގެ އައު ލީޑަރަކު އިންތިޚާބުކުރެވެންދެން ބޮޑުވަޒީރުގެ މަޤާމުގައި ދެމިހުންނާނެކަމަށް އެ އޮފިޝަލް ބުނެފައިވެއެވެ. އޭނާގެ ބަދަލުގައި ދާއިމީ ބޮޑުވަޒީރަކު އިންތިޚާބުކުރުމަށް ޤައުމީ އިންތިޚާބެއް ބޭއްވޭނެ ތާރީޚެއް އަދި ކަނޑައެޅިފައެއް ނުވެއެވެ.

2015 ވަނަ އަހަރު ވެރިކަމަށް އައި ޓްރޫޑޯ ވަނީ ފުރަތަމަ އަހަރުތަކުގައި ރައްޔިތުންގެ ތަރުހީބު ލިބިފައެވެ. ނަމަވެސް ފަހަކަށް އައިސް ކާބޯތަކެތީގެ އަގު ބޮޑުވުމާއި، ގެދޮރުގެ އަގު މައްޗަށް ދިއުމާއި، އިމިގްރޭޝަނާ ގުޅޭ މައްސަލަތަކާ ގުޅިގެން އޭނާއާ މެދު ރައްޔިތުންގެ ނުރުހުން އިތުރުވެފައިވެއެވެ.

ޓްރޫޑޯގެ އިސްތިއުފާއާ ގުޅިގެން ކެނެޑާގެ ސިޔާސީ މަޝްރަހު ވަނީ ހަލަބޮލިވެފައެވެ. އެންމެ ފަހުން ހެދުނު ހޯދުންތަކުން ދައްކާގޮތުގައި ކޮންޒަވޭޓިވް ޕާޓީއަށް 47 އިންސައްތަ މީހުންގެ ތާއީދު ލިބޭއިރު، ލިބަރަލް ޕާޓީއަށް ލިބެނީ 21 އިންސައްތައެވެ. 
                    

މި ލިޔުން ކިޔާލުމުން

Ads by MSS