ޔަހޫދީ ސިފައިން ވެސްޓް ބޭންކަށް އަރައި: ފަލަސްތީނުގެ ދެ މީހަކު ހައްޔަރުކޮށް އެތައް ގެއްލުމެއް ދީފި

ފަލަސްތީނު އިންފޮމޭޝަން ސެންޓަރާއި ޤުދުސް ނިއުސް ނެޓްވޯކުން ރިޕޯޓުކުރި ގޮތުގައި އިސްރާއީލު ސިފައިން ވަނީ އޮކިއުޕައިޑް ވެސްޓް ބޭންކުގެ ނާބްލުސް ސިޓީއަށް އަރައި، ވަކިވަކިން ކުރި ދެ ރެއިޑެއްގައި ފަލަސްތީނުގެ ދެ މީހަކު ހައްޔަރުކޮށްފައެވެ.

ޓުބާސްގެ ދެކުނުގައިވާ ފަރްއާ ރެފިއުޖީ ކޭމްޕުގައި، އިސްރާއީލު ސިފައިން ވަނީ ފަރްއާ ކޭމްޕް ސަރވިސަސް ކޮމިޓީގެ ދޮރާށި ހަލާކުކޮށް، އިމާރާތަށް ވަދެފައެވެ. މީގެ އިތުރުން، އިސްރާއީލުގެ އަސްކަރީ ބުލްޑޯޒަރުތަކުން ވަނީ ކޭމްޕުގެ މަގުތައް ހިމެނޭ ގޮތަށް އިންފްރާސްޓްރަކްޗަރ ހަލާކުކުރަން ފަށާފައެވެ.

ފާއިތުވި ގަޑިތަކުގެ ތެރޭގައި އޮކިއުޕައިޑް ވެސްޓް ބޭންކުގެ އެކި ސަރަޙައްދުތަކުގައި އިސްރާއީލު ސިފައިންގެ ރެއިޑްތައް ހިންގާފައިވާކަމަށް ރިޕޯޓުކުރެވެއެވެ. މީގެ ތެރޭގައި ހިމެނެނީ:

- ޤަލްޤީލިއާގެ އިރުމަތީގައިވާ ކަފްރު ލަޤީފް ރަށް
- ރާމަﷲގެ މެދުތެރެއާއި ޤައްދޫރާ ކޭމްޕް
- ރާމަﷲގެ އުތުރުގައިވާ ބިރްޒެއިތް ރަށުގެ އަންހެން ދަރިވަރުންގެ ދަނާލެއް
- އަލް-ބީރާ ސިޓީގެ އިންޑަސްޓްރިއަލް ޒޯން
- ސަލްފީތުގެ ހުޅަނގުގައިވާ މަރްދާ ރަށް

މި ހަމަލާތަކުން ފަލަސްތީނުގެ އާންމު ރައްޔިތާންމު ރައްޔިތުންނަށް ކުރިމަތިވާ ބިރުވެރިކަމާއި ގެއްލުންތައް އިތުރުވަމުންދާކަން ފާހަގަކުރެވެއެވެ.

مصادر محلية: قوات الاحتلال تقتحم مبنى لجنة خدمات مخيم الفارعة جنوب طوباس بعد تفجير مدخله pic.twitter.com/SsVb9FnCio

— شبكة قدس الإخبارية (@qudsn) January 7, 2025