ޚަބަރު
އެއަރޕޯޓުގައި ހިނގި ނުރައްކާތެރި އެކްސިޑެންޓެއްގައި ދެ މީހަކަށް އަނިޔާވެއްޖެ

މިއަދު ހިނގި އެކްސިޑެންޓް ފޮޓޯ:ޕޮލިސް މީޑިއާ
މިއަދު ހެނދުނު 9:45 ހާއިރު އެއަރޕޯޓުގައި ހިނގި ނުރައްކާތެރި އެކްސިޑެންޓެއްގައި ދެ މީހަކަށް އަނިޔާވެ، ފުލުހުން ވަނީ މައްސަލަ ތަޙުޤީޤު ކުރަން ފަށާފައެވެ.
މި އެކްސިޑެންޓް ހިނގާފައިވަނީ ކާރެއް ރޯޑް ޑިވައިޑަރުތަކާއި ވޭން އެއްގައި ޖެހުމަށްފަހު ޕިކަޕެއްގެ ފަހަތުގައި ޖެހުމުންނެވެ. މި ހާދިސާގައި ކާރު ދުއްވި ފަރާތަށް ވަނީ ބޮޑެތި އަނިޔާތަކެއް ވެފައެވެ. އޭނާ ވަނީ ފަރުވާ ދިނުމަށްޓަކައި ހުޅުމާލެ ހޮސްޕިޓަލަށް ގެންގޮސްފައެވެ.
އެކްސިޑެންޓްގައި ޕިކަޕް ފަހަތުގައި އިން މީހާއަށްވެސް ވަނީ އަނިޔާވެފައެވެ. ނަމަވެސް އޭނާއަށް ލިބިފައިވަނީ ކުދިކުދި އަނިޔާތަކެއް ކަމަށް ބެލެވެއެވެ. އޭނާއަށް ވަނީ އެއަރޕޯޓް ކްލިނިކުގައި ފަރުވާ ދީފައެވެ.
މި ހާދިސާ ހިނގުމާ ގުޅިގެން ފުލުހުން ދަނީ ސީން ސަރަޙައްދުގައި ހަރަކާތްތެރިވަމުންނެވެ. އަދި މި މައްސަލައިގެ ތަޙުޤީޤު ކުރިއަށް ގެންދާ ކަމަށް ފުލުހުން ވަނީ މަޢުލޫމާތު ދީފައެވެ.