ޚަބަރު
އަމީނީމަގުގައި ޔޫ-ޓާން އެޅުމުގެ ތެރޭގައި ދެ އުޅަނދު ޖެހި އެކްސިޑެންޓެއް ހިނގައިފި

އަމީނީ މަގު ފޮޓޯ:އެމްވީ ޕްލަސް
މިއަދު ހެނދުނު 9:40 ހާއިރު މާލޭގެ އަމީނީމަގުގައި ހުންނަ ރެހެންދި ފްލެޓް ކައިރީގައި ކާރެއް ޔޫ-ޓާން ނަގަން އުޅުމުގެ ތެރޭގައި އެކްސިޑެންޓެއް ހިނގައިފިކަމަށް ފުލުހުންނަށް ރިޕޯޓު ކޮށްފިއެވެ.
މި އެކްސިޑެންޓުގައި އެއްވެސް މީހަކަށް އަނިޔާއެއް ވެފައި ނުވާކަމަށް ފުލުހުން މަޢުލޫމާތު ދެއެވެ. ނަމަވެސް، މި ހާދިސާގައި ޖެހުނު ދެ އުޅަނދަށްވެސް އެކި ވަރުގެ ގެއްލުން ލިބިފައިވާކަމަށް ބުނެއެވެ.
މި މައްސަލައާ ގުޅިގެން ފުލުހުން ދަނީ ތަޙުޤީޤު ކުރަމުންނެވެ. އެކްސިޑެންޓު ހިނގި ގޮތާއި، އެކްސިޑެންޓަށް މެދުވެރިވި ސަބަބުތައް ބަލައި، އިތުރު މަޢުލޫމާތު ހޯދުމަށް މަސައްކަތް ކުރަމުންދާކަމަށް ފުލުހުން ބުނެފައިވެއެވެ.