ދިވެހިރާއްޖޭގެ ވައިގެ ދަތުރުފަތުރުގެ މުއްސަނދި ތާރީޚާއި ތަރިކައަށް ޚާއްޞަ އިޙްތިރާމެއް އަދާކުރެވިގެން ދިޔަ މަންޒަރެއް: އޭވިއޭޓަރސް މޯލްޑިވްސް

ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ރިޔާސީ ވަޢުދާއި އެއްގޮތަށް ޤައުމީ އެއަރލައިނަށް ވައިޑް ބޮޑީ އެއަރ ކްރާފްޓެއް ގެނައުމުގެ ޝަރަފުގައި ބޭއްވި ސަގާފީ ނެށުމުގެ ހަރަކާތުގައި  ބައިވެރިވި އަންހެން މެންބަރުން ލައިގެން ތިބި ދިގުހެދުން ތަކުން ކުރީގެ އެއަރ މޯލްޑިވްސްގެ ކެބިން ކްރޫ ޔުނިފޯމުތަކުގެ ހަނދާން އާކޮށްދިންކަމަށް އޭވިއޭޓަރސް މޯލްޑިވްސް އިން ބުނެފިއެވެ. 

މި ހާއްސަ އިވެންޓުގައި ބޭނުންކުރި ހެދުންތަކުގެ ޒަރީއާއިން ދިވެހިރާއްޖޭގެ ވައިގެ ދަތުރުފަތުރުގެ މާޒީއަށް އަލިއަޅުވާލައި، އޭރުގެ ހަނދާންތައް އާކޮށްދީފައިވާކަން ފާހަގަކޮށްފައިވެއެވެ. އަދި  ދިވެހިރާއްޖޭގެ ވައިގެ ދަތުރުފަތުރުގެ މުއްސަނދި ތާރީޚާއި ތަރިކައަށް ޚާއްޞަ އިޙްތިރާމެއް އަދާކުރެވިގެން ގޮސްފައިވާކަމަށް އޭވިއޭޓަރސް އިން ވަނީ ބުނެފައެވެ.

Did you notice the striking resemblance between the dance event members (most of whom are present day cabin crew’s) and the former Air Maldives cabin crew uniforms? This thoughtful detail evokes a sense of nostalgia while paying homage to the rich heritage of Maldivian aviation. pic.twitter.com/JRtettMtRs

— AviatorsMaldives (@AviatorsMaldive) January 7, 2025

ނެށުން ހުށައަޅައިދިން ގިނަ ބައިވެރިންނަކީ މޯލްޑިވިއަންގެ ކްރޫ މެމްބަރުންނެވެ. އަދި އެމީހުން އަޅައިގެން ތިބި ހެދުން ކުރީގެ އެއަރ މޯލްޑިވްސްގެ ކްރޫއިންގެ ޔުނީފޯމްއާ އެއްކުލަވެފައި އެއްގޮތެވެ.