ޚަބަރު
ފެންނުހިނދޭތީ ހުޅުމާލެ ސަހަރާގައި މީހުން ވަޅުލުން މެދުކަނޑާލައިފި

ހުޅުމާލެ ސަހަރާގައި ކޮނެފައިވާ ވަޅެއްގައި ފެން ހަރުލާފާ ފޮޓޯ: ސިޓީ ކައުންސިލް
މާލެ ސިޓީ ކައުންސިލުން މިއަދު ހާމަކުރި ގޮތުގައި، ވިއްސާރައިގެ ސަބަބުން ހުޅުމާލެ ސަހަރާގައި ފެން ނުހިނދޭތީ، އެ ސަހަރާގައި މީހުން ވަޅުލުން ވަނީ ވަގުތީގޮތުން މެދުކަނޑާލާފައެވެ.
މާލެ ސިޓީ ކައުންސިލުން "އެކްސް" ގައި ކުރި ޕޯސްޓެއްގައި ބުނެފައިވަނީ، މާލެ ސަރަހައްދަށް ކުރަމުންދާ ވިއްސާރައާ ގުޅިގެން ހުޅުމާލެ ސަހަރާގެ ފެންފަށަލައިގައި 8 އިންޗި އާއި 9 އިންޗިއާ ދެމެދުގެ މިންވަރަކަށް ފެން ހަރުލާފައިވާ ކަމަށެވެ. މިކަމުގެ ސަބަބުން ކަށްވަޅު ކޮނެ ސަންދޯއް ބެހެއްޓުމަށް ދަތިވެފައިވާކަން ވެސް ކައުންސިލުން ފާހަގަކޮށްފައިވެއެވެ.
މިއަދު ހުޅުމާލެ ސަހަރާގައި ވަޅުލަން ހަމަޖެހިފައިވާ މީހުންގެ ޖަނާޒާގެ އިންތިޒާމް ހަމަޖެހިފައިވަނީ މާލޭ އާސަހަރާ މިސްކިތުގައި ކަމަށް ސިޓީ ކައުންސިލުން މަޢުލޫމާތު ދީފައިވެއެވެ. މިގޮތުން، ހުޅުމާލޭގައި ވަޅުލުމަށް މިއަދު ހަމަޖެހިފައިވާ މީހުން އާ ސަހަރާގައި ވަޅުލުމަށް ވަނީ ނިންމާފައެވެ.
މި ވަގުތު މާލެ ސަރަހައްދަށް ކުރަމުންދާ ވިއްސާރައާއި ގުޅިގެން، ހުޅުމާލެ ސަހަރާގެ ފެންފަށަލައިގައި، 8 އިންޗި އާއި 9 އިންޗިއާއި ދެމެދު މިންވަރަކަށް، ފެން ހަރުލާފައި ހުރިމުގެ ސަބަބުން، ކަށްވަޅު ކޮނެ ސަންދޯއް ބެހެއްޓުމަށް ދަތިވެފައިވާތީ، pic.twitter.com/2oBic6IWc8
— Malé City Council (@MaleCitymv) January 7, 2025