Ads by Exprox

ޚަބަރު

އިމިގްރޭޝަން ވޮޗަށް ހުށަހެޅުނު 1000 އަށްވުރެ ގިނަ މައްސަލަ ބަލައިފި

އިމިގްރޭޝަން ވޮޗަށް ހުށަހެޅުނު 1000 އަށްވުރެ ގިނަ މައްސަލަ ބަލައިފި

އިމިގްރޭޝަންގެ މުވައްޒަފުން ޤަވާއިދާ ހިލާފަށް އުޅޭ ބިދޭސީން ހޯދުން ފޮޓޯ:އިމިގްރޭޝަން

އާމިނަތު ޔުމްނާ

އާމިނަތު ޔުމްނާ

07 ޖެނުއަރީ 2025، 03:15

07 ޖެނުއަރީ 2025، 03:15

މޯލްޑިވްސް އިމިގްރޭޝަނުން ތަޢާރަފުކުރި "އިމިގްރޭޝަން ވޮޗް" އޮންލައިން ޕްލެޓްފޯމަށް ހުށަހެޅުނު މައްސަލަތަކުގެ ތެރެއިން 1000 އަށްވުރެ ގިނަ މައްސަލަ މިހާތަނަށް ބަލާފައިވާކަމަށް އިމިގްރޭޝަނުން ހާމަކޮށްފިއެވެ.

މިއަހަރުގެ ޖުލައި 17 ވަނަ ދުވަހު ތަޢާރަފުކުރެވުނު މި ޕްލެޓްފޯމަށް، ޑިސެމްބަރު މަހުގެ ނިޔަލަށް 1061 މައްސަލަ ބަލާފައިވާކަމަށް އިމިގްރޭޝަނުން ވިދާޅުވިއެވެ. ނޮވެމްބަރު މަހުގެ ނިޔަލަށް 1017 މައްސަލަ ހުށަހެޅިފައިވާއިރު، އޭގެ ތެރެއިން އެންމެ ގިނައީ ބިދޭސީ މަސައްކަތްތެރިން ޤާނޫނާއި ގަވާއިދާ ޚިލާފަށް ވިޔަފާރިކުރާ މައްސަލަތަކެވެ.

ހުށަހެޅުނު މައްސަލަތަކުގެ ތެރޭގައި ވޯކް ވިސާއާ ގުޅޭ 239 މައްސަލަ، ހަށިވިއްކުމުގެ 65 މައްސަލަ، ވަޒީފާއިން ފިލުމުގެ 41 މައްސަލަ އަދި ޓޫރިސްޓް ވިސާއާ ޚިލާފުވުމުގެ 14 މައްސަލަ ހިމެނެއެވެ. މީގެ އިތުރުން، މަސްތުވާތަކެތި ބޭނުންކުރުމާއި ވިޔަފާރިކުރުމުގެ 10 މައްސަލަ އަދި ހިއުމަން ޓްރެފިކިންގގެ 7 މައްސަލަވެސް ހުށަހެޅިފައިވެއެވެ.

ޤަވާއިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލަ ޙައްލުކުރުމަށް ސަރުކާރުން ޚާއްސަ އިސްކަމެއް ދީގެން މަސައްކަތްތަކެއް ކުރަމުންދާކަމަށް ކޮންޓްރޯލަރ ޖެނެރަލް އޮފް އިމިގްރޭޝަން، މުޙައްމަދު ޝަމްޢާން ވަޙީދު ވިދާޅުވިއެވެ. މި މަސައްކަތުގެ ދަށުން މާލޭގައި ހިންގާ އޮޕަރޭޝަންގެ އިތުރުން، އެހެން ރަށްރަށާއި ރިސޯޓުތަކާއި ސިނާއީ ރަށްތަކުގައި ދިރިއުޅޭ ބިދޭސީންގެ މަޢުލޫމާތު އެއްކުރުމުގެ މަސައްކަތްވެސް ކުރިއަށްދާކަމަށް އޭނާ ހާމަކުރެއްވިއެވެ.
                    

މި ލިޔުން ކިޔާލުމުން

Ads by MSS