ނިޔާވެގެން އައިޖީއެމް ހޮސްޕިޓަލަށް ގެންދިޔަ މީހެއްގެ ޕޯސްޓްމޯޓަމް ހަދަނީ

މާލޭގައި މީހަކު ނިޔާވެގެން އައި.ޖީ.އެމް ހޮސްޕިޓަލަށް ގެންގޮސްފައިވާ ކަމުގެ މަޢުލޫމާތު މިއަދު ހެނދުނު 09:53 ގައި ފުލުހުންނަށް ލިބިފައިވެއެވެ.

ނިޔާވެފައިވަނީ މާލެ، މ. ތަރިވިލާގެ، ޙުސައިން އަޙްމަދު (41 އަހަރު) އެވެ. މަރުވެފައިވާ މީހާގެ ހަށިގަނޑުގެ ޕޯސްޓްމޯޓަމް ހެދުމަށް ހަމަޖެހިފައިވާ ކަމަށް ފުލުހުން މަޢުލޫމާތު ދެއެވެ.

މި މައްސަލައިގެ ތަޙްޤީޤު ފުލުހުން ކުރިއަށް ގެންދާ ކަމަށް ބުނެއެވެ. އިތުރު ތަފްސީލު އަދި ހާމަކޮށްފައެއް ނުވެއެވެ.