ޚަބަރު
ތައިލެންޑުގައި ހުންނަވާ ރާއްޖޭ ސަފީރު ފުއާދު ފަތުރުވެރިކަމާއި ބެހޭ ވަޒީރުގެ އަރިހަށް އިޚްތިރާމްގެ ޒިޔާރާތެއް ކުރައްވައިފި

ފަތުރުވެރިކަމާއި ބެހޭ ވަޒީރު އިބްރާހީމް ފައިޞަލް އަދި ތައިލެންޑުގައި ހުންނަވާ ދިވެހިރާއްޖޭގެ ސަފީރު އަލްފާޟިލް ފުއާދު ތައުފީޤު ފޮޓޯ: ފަތުރުވެރިކަމާއި ބެހޭ ވުޒާރާ
ފަތުރުވެރިކަމާއި ބެހޭ ވަޒީރު އިބްރާހީމް ފައިޞަލްގެ އަރިހަށް ތައިލެންޑުގައި ހުންނަވާ ދިވެހިރާއްޖޭގެ ސަފީރު އަލްފާޟިލް ފުއާދު ތައުފީޤު އިޚްތިރާމްގެ ޒިޔާރާތެއް ކުރައްވައިފިއެވެ. މި ބައްދަލުކުރެއްވުމުގައި ފަތުރުވެރިކަން ކުރިއެރުވުމާއި އިންވެސްޓްމަންޓް އިތުރުކުރުމާ ގުޅޭގޮތުން މަޝްވަރާކުރެވުނެވެ.
މިނިސްޓަރ ފައިޞަލްއާއި ސަފީރު ފުއާދު ބައްދަލުކުރެއްވީ ޓޫރިޒަމް މިނިސްޓްރީގައެވެ. މި ބައްދަލުވުމުގައި ދެ ބޭފުޅުން މަޝްވަރާކުރެއްވީ ދިވެހިރާއްޖެއާއި ތައިލެންޑާ ދެމެދު ފަތުރުވެރިކަމުގެ ދާއިރާއިން އޮންނަ ގުޅުން އިތުރަށް ބަދަހިކުރުމާއި، ދެ ޤައުމުގެ ދެމެދުގައި ފަތުރުވެރިކަމުގެ ދާއިރާއިން އިންވެސްޓްމަންޓްތައް އިތުރުކުރުމަށް ހުރި ފުރުސަތުތަކާ ބެހޭގޮތުންނެވެ.
Maldivian Ambassador to the Kingdom of Thailand Mr. Fuad Thaufeeq paid a courtesy call to Minister @ifaisalofficial. The discussion focused on avenues of tourism promotion and investment. pic.twitter.com/yjUP52Jned
— Ministry of Tourism (@MoTmv) January 8, 2025