ތައިލެންޑާ ގުޅިގެން ރާއްޖޭގެ ކުޅިވަރު ކުރިއެރުވުމަށް ކުރެވޭނެ ކަންކަމާ ގުޅޭގޮތުން މަޝްވަރާކުރައްވައިފި

ތައިލެންޑާ ގުޅިގެން ރާއްޖޭގެ ކުޅިވަރު ކުރިއެރުވުމަށް ކުރެވޭނެ ކަންކަމާ ގުޅޭގޮތުން ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު އާއި ރާއްޖެއިން ތައިލެންޑަށް ކަނޑައަޅުއްވާފައިވާ ހުންނަވާ ސަފީރު، ފުއާދު ތަޢުފީގުއާ މަޝްވަރާކުރައްވައިފިއެވެ.

މި މަޢުޝޫޢުގައި މި ދެ ބޭފުޅުން މަޝްވަރާ ކުރެއްވީ، ކުޅިވަރާއި ހަށިހެޔޮކަމާ ބެހޭ ވުޒާރާގައި މިއަދު އޮތް ބައްދަލުކުރެއްވުމުގައެވެ. 

މި މަޝްވަރާގައި ސަފީރު ވަނީ ކުޅިވަރާ ގުޅުން ހުރި ދާއިރާތަކުން ތައިލެންޑާ ގުޅިގެން އެހީތެރިކަން ހޯދޭނެ ގޮތްތަކާއި ގުޅިގެންނާއި، އެހީތެރިވެވޭނެ ދާއިރާތަކާ ގުޅިގެންވެސް މަޝްވަރާކުރައްވާފައެވެ.

މި ބައްދަލުކުރެއްވުމުގައި ސަފީރު ވަނީ ކުޅިވަރާ ގުޅުން ހުރި ދާއިރާތަކުން އެހީތެރިވެވޭނެ ގޮތްތަކާއި ގުޅޭގޮތުން ވަޒީރު ރާފިޢުއާ މަޝްވަރާކުރައްވާފައި. އަދި ސަފީރުގެ އެހީގައި ތައިލެންޑާއި ގުޅިގެން ރާއްޖޭގެ ކުޅިވަރު ކުރިއެރުވުމަށް ކުރެވޭނެ ކަންކަމާ ގުޅޭގޮތުންވެސް މި ބައްދަލުވުމުގައި މަޝްވަރާކުރެވުނު.

މި ބައްދަލުކުރެއްވުމުގެ މަޢުލޫމާތު ޙިއްސާކުރުމަށް ކުޅިވަރާއި ހަށިހެޔޮކަމާ ބެހޭ ވުޒާރާއިން ހިއްސާކުރި ޕޯސްޓުގައި ވެއެވެ.

ތައިލެންޑުގެ އިތުރުން ކުޅިވަރުގެ ރޮނގުން ކުރިއަރާފައިވާ ޗައިނާގެ ސިޓީއެއް ކަމުގައިވާ، ޝިއަމެންއާއި ގުޅިގެން އެތުލީޓުންނަށް ތަމްރީނު ހޯދައިދިނުމުގެ އެކްސްޗޭންގް ޕްރޮގްރާމެއް ފެށުމަށް ވެސް ވަޒީރު ރާފިޢު ވަނީ މި ހަފްތާގައި މަޝްވަރާކުރައްވާފައެވެ. މި މަޝްވަރާތައް ބޭއްވެވީ "ސީ އެންޑް ޑީ ޝިއަމެން މެރަތަން 2025" ގައި ބައިވެރިވެވަޑައިގެންނެވުމަށް އެ މަނިކުފާނަށް ލިބިލެއްވި ދައުވަތަކަށް، އެ ގައުމަށް ކުރެއްވެވި ދަތުރުފުޅުގެ ތެރެއިންނެވެ.