ދުނިޔެ
ޢައްޒާގެ ނާސަރު ހޮސްޕިޓަލުގެ ނިއުބޯން ޔުނިޓުގައިވާ 15 ކުދިންގެ ފުރާނަ ނުރައްކަލުގައި

ޢައްޒާގެ ނާސިރު ހޮސްޕިޓަލުގެ ކުޑަކުދިންގެ ޔުނިޓް
ޑޮކްޓަރސް ވިތައުޓް ބޯޑަރސް (އެމްއެސްއެފް) އިން ބުނެފައިވާ ގޮތުގައި ޢައްޒާގެ ނާސަރު ހޮސްޕިޓަލުގެ ނިއުބޯން އިންޓެންސިވް ކެއަރ ޔުނިޓުގައި އިންކިއުބޭޓަރުގައި ބަހައްޓައިގެން ފަރުވާދެމުންދާ 15 ކުޑަކުދިން ވަނީ ނުރައްކާތެރި ހާލަތެއްގައެވެ. މި ކުދިންގެ ފުރާނަ ސަލާމަތްކުރުމަށް ބޭނުންވާ ވެންޓިލޭޓަރުތައް ހިންގުމަށް ކަރަންޓު ބޭނުންވާއިރު، ތެލުގެ ދަތިކަން ދިމާވެފައިވާތީ މި ކުދިންގެ ފުރާނައަށް ނުރައްކާވެފައިވާ ކަމަށް އެމްއެސްއެފްގެ އިމަޖެންސީ ކޯޑިނޭޓަރ ޕަސްކަލް ކޮއިސާޑް ވަނީ ބުނެފައެވެ.
މި ކުދިން މިހާރުވެސް ވަނީ ވަރަށް ނާޒުކު ހާލަތެއްގައި. އެހެން ހޮސްޕިޓަލަކަށް ބަދަލުކުރަން އުޅުނަސް އެކަމުގެ ސަބަބުން ސީދާ އެ ކުދިންގެ ފުރާނައަށް ނުރައްކާވާނެ
ކޮއިސާޑް
މިގޮތަށް ކުޑަކުދިންގެ ފުރާނަ ނުރައްކަލަށް ހުށަހެޅުމަކީ ޤަބޫލުކުރެވޭނެ ކަމެއް ނޫންކަމަށާއި މިއީ އިސްރާއީލުން ކުރަމުން އަންނަ ބްލޮކޭޑާއި، ފުރާނަ ސަލާމަތްކުރުމަށް ބޭނުންވާ ތަކެތި ވަގަށް ނެގުމުގެ ނަތީޖާކަމަށެވެ.
ޢައްޒާގެ އޮތޯރިޓީތަކުން ބުނާ ގޮތުގައި ނާސަރު، އަލް-އަޤްސާ އަދި ޔޫރަޕިއަން ހޮސްޕިޓަލްތައް ވަނީ ތެލުގެ ދަތިކަމުގެ ސަބަބުން ބަންދުވުމުގެ ނުރައްކަލާ ކުރިމަތިވެފައެވެ. އެމްއެސްއެފްއިން ބުނެފައިވާ ގޮތުގައި އެ ޖަމްޢިއްޔާއިން ވަނީ ނާސަރު އަދި އަލް-އަޤްސާ ހޮސްޕިޓަލްތަކަށް ކޮންމެވެސް ވަރަކަށް ތެޔޮ ފޯރުކޮށްދީފައެވެ. މިއީ އެންމެ ނާޒުކު ހާލަތުގައި ތިބި ބަލިމީހުންނަށް އަންނަ 36 އިން 48 ގަޑިއިރަށް ޚިދުމަތް ދިނުމަށް އެހީތެރިވުމަށް ކަމަށް އެ ޖަމްޢިއްޔާއިން ބުންޏެވެ.
އެމްއެސްއެފްއިން އިތުރަށް ބުނެފައިވަނީ އެ ޖަމްޢިއްޔާއާއި އެހެން ޖަމްޢިއްޔާތަކުން ވޭތުވެދިޔަ އަހަރަށްވުރެ ގިނަ ދުވަހު ވަނީ ގައްޒާއަށް ފޯރުކޮށްދެވޭ އެހީގެ މިންވަރު މަދުވުމުގެ ސަބަބުން އެތާނގެަބަބުން އެތާނގެ މީހުންގެ ފުރާނައަށް ނުރައްކާވަމުންދާކަން އަންގަމުން ގޮސްފައެވެ.