ހޮލީވުޑް ހިލްސްގައި ރޯވި އަލިފާންގަނޑު ކޮންޓްރޯލް ނުވެ ފެތުރެނީ

ކެލިފޯނިއާގެ ފަޔަރ ސަރވިސްގެ ބެޓަލިއަން ޗީފް ޑޭވިޑް އަކުނާ ވިދާޅުވެފައިވަނީ ހޮލިވުޑް ހިލްސްގައި ރޯވެފައިވާ އަލިފާން "އަވަސް ދުވެއްޔެއްގައި ފެތުރެމުންދާ" ކަމަށާއި އަލިފާން ކޮންޓްރޯލް ކުރުމުގެ މަސައްކަތުގެ ކުރިއެރުން "ސުމެއް" ކަމަށެވެ.

 ބީބީސީގެ ޓުޑޭ ޕްރޮގްރާމަށް ދެއްވި މަޢުލޫމާތުގައި އަކުނާ ވިދާޅުވީ އިއްޔެ ހެނދުނުން ފެށިގެން ވައި ވަނީ ގަޑިއަކަށް 60 އިން 100 މޭލުގެ ބާރުމިނުގައި ޖެހިފައެވެ.

މިހާރު ވައިގެ ބާރުމިން ވަނީ ގަޑިއަކަށް 30 މޭލަށް ދަށްވެފައިވާ ކަމަށް ވިދާޅުވިއެވެ. ނަމަވެސް މިއީ އަދިވެސް ފާހަގަކޮށްލެވޭ ވަރުގެ ބާރުމިނެއް ކަމާއި ، ހުޅުވިފައިވާ ސަރަޙައްދުތައް ގިނަވުމާއެކު މިއީ ވަރަށް ނުރައްކާތެރި ހާލަތެއްކަމަށް އޭނާ ވިދާޅުވިއެވެ.

އަކުނާ ވިދާޅުވީ ފުރަތަމަ  އެންމެ މުހިންމު އަމާޒަކީ މީހުން ސަލާމަތްކުރުން ކަމަށާއި، އިތުރު އިންޒާރުތަކާއި އިޚްލާކުރުމުގެ އަމުރުތައް ތައްޔާރުކުރެވެމުންދާ ކަމަށެވެ.

މި ހާދިސާ ހިނގަމުންދަނީ ކެލިފޯނިއާގެ ހޮލިވުޑް ހިލްސް ސަރަޙައްދުގައެވެ. އަލިފާނުގެ ހާދިސާ ހިނގަން ފެށި ވަގުތު ސާފުކޮށް ނޭނގުނު ނަމަވެސް، އިއްޔެ ހެނދުނުން ފެށިގެން ވައި ބާރަށް ޖެހެން ފެށުމާއެކު އަލިފާންގަނޑު ބޮޑުވެ ފެތުރެމުންދާކަން ފާހަގަކުރެވެއެވެ. މި ހާދިސާގައި މިހާތަނަށް އެއްވެސް މީހަކަށް ގެއްލުމެއް ލިބުނުކަން އަދި ހާމަވެފައެއް ނުވެއެވެ.