ލޮސް އެންޖެލެސްގައި ރޯވެފައިވާ އަލިފާނުގެ ހާދިސާގައި މަޝްހޫރު ތަރިންގެ ގެތައް ހަލާކުވެއްޖެ

ލޮސް އެންޖެލެސް ސަރަހައްދުގައި ރޯވެފައިވާ ނުރައްކާތެރި އަލިފާނުގެ ސަބަބުން ގިނަ އަދަދެއްގެ  މަޝްހޫރު ތަރިންތަކުގެ ގެތައް ހަލާކުވެއްޖެއެވެ. މީގެ ތެރޭގައި ބިލީ ކްރިސްޓަލް އަދި ޕެރިސް ހިލްޓަން ފަދަ  ސެލެބްރިޓީންގެ ގެތައް ހިމެނެއެވެ.

މި ހާދިސާގައި މިހާތަނަށްިހާތަނަށް 1،000 އަށްވުރެ ގިނަ އިމާރާތްތައް ވަނީ ހަލާކުވެފައެވެ. މި ވަގުތު ލޮސް އެންޖެލެސް އާއި އެ ސަރަހައްދުގައި 6 ތަނެއްގައި އަލިފާން ރޯވަމުންދާ ކަމަށް ވެއެވެ.

އެންމެ ބޮޑަށް ގެއްލުން ލިބިފައިވަނީ ޕެސިފިކް ޕެލިސޭޑްސް ސަރަހައްދަށެވެ. މި ސަރަހައްދުގައި އަންގާރަ ދުވަހު ފެށުނު އަލިފާން މިހާރު ވަނީ 15،000 އޭކަރަށްވުރެ ބޮޑު ސަރަހައްދަކަށް ފެތުރިފައެވެ.

މަޝްހޫރު ތަރި ޖޭމްސް ވުޑްސް ވަނީ ސީއެންއެންއަށް ދިން އިންޓަވިއުއެއްގައި އޭނާގެ ގެ ގެއްލުނު ކަމަށް ބުނެ ރޮއިފައެވެ.

އެއް ދުވަހު ޕޫލުގައި އަރާމުގައި ފަތަމުން ، އަނެއް ދުވަހު ހުރިހާ އެއްޗެއް ގެއްލިގެން ދިޔައީ

ޖޭމްސް ވުޑްސް

ބިލީ ކްރިސްޓަލް ވަނީ 1979 އިން ފެށިގެން ދިރިއުޅެމުން އައި ގެ ގެއްލުނު ކަމަށް ބުނެފައެވެ.

އަޅުގަނޑުމެންގެ ދަރިންނާއި ކާފަ ދަރިން ބޮޑުވީ މި ގޭގައި. ގޭގެ ކޮންމެ އިންޗިއެއްގައި ލޯބި ފުރިފައިވޭ. އެކަމަކު އުފާވެރި ހަނދާންތައް ގެއްލިގެނެއް ނުދާނެ

ބިލީ ކްރިސްޓަލް

ޕެރިސް ހިލްޓަން ވަނީ މަލިބޫގައި ހުރި އޭނާގެ ގެ ގެއްލުނު ކަމަށް ބުނެފައެވެ.

ގެދޮރު އަނދަމުންދާތަން ލައިވްކޮށް ޓީވީން ދައްކަމުންދާއިރު ބަލަން އިނުމަކީ އެއްވެސް މީހަކު ތަޖުރިބާކުރަން ކުޅަދާނަ ކަމެއް ނޫން ކަމަށް ބުނެ ޕްރިސް ވަނީ އިންސްޓްގްރާމްގައި ލިއެފައެވެ.

މި ހާދިސާގައި މައިލްސް ޓެލަރ، މާކް ހެމިލް އަދި އުޖީން ލެވީ ފަދަ އެހެން މަޝްހޫރު ތަރިތަކުގެ ގެތަކަށްވެސް ގެއްލުން ލިބިފައިވާ ކަމަށް ވެއެވެ. ގިނަ އަދަދެއްގެ މަޝްހޫރު ތަރިތަކަށް ވަނީ އެމީހުންގެ ގެތައް ދޫކޮށް ދާން މަޖުބޫރުވެފައެވެ.