މޫސުން ގޯސްވެ ހުވަދު އަތޮޅަށް އޮރެންޖު އިންޒާރު ނެރެފި

މިއަދު މެންދުރު 12:50 އިން ފެށިގެން ހަވީރު 15:00އާ ހަމައަށް ހުވަދު އަތޮޅަށް އޮރެންޖު އިންޒާރު ނެރެފިއެވެ.

މޯލްޑިވްސް މިޓިއޮރޮލޮގިކަލް ސާރވިސަސް އިން ހާމަކޮށްފައިވާ ގޮތުގައި، މި އިންޒާރުގެ ވަގުތުގައި ހުވަދުއަތޮޅުގެ ރަށްތަކަށް ބޯކޮށް ވާރޭވެހި ފެންބޮޑުވުން ވެސް އެކަށީގެންވެއެވެ.

އޮރެންޖު އެލާޓަކީ އެލާޓު ލެވެލްގެ ތިންވަނަ ދަރަޖަ ރަމްޒުކޮށްދޭ ކުލައެވެ. އޮރެންޖު އެލާޓު ނެރެނީ ގަޑިއަކު 90 މިލިމީޓަރު، ނުވަތަ 6 ގަޑިއިރު ތެރޭގައި 120 މިލިމީޓަރުގެ ވާރޭ ވެހޭނެކަމަށް އަންދާޒާ ކުރެވޭނަމައެވެ. 

އަދި މި އެލާޓު ލެވެލްގައި ވައިގެ ބާރުމިން އަންދާޒާ ކުރެވޭ މިންވަރު ހުންނާނީ ގަޑިއަކު 36-42 މޭލުގެ ބާރުމިނުގައެވެ.