ޖެނުއަރީ 9 އަދި 10 ގައި ޖެޓީ ސަރަޙައްދުގައި ޓްރެފިކް ބާރުބޮޑުވެދާނެތީ ސަމާލުވުމަށް އިލްތިމާސްކޮށްފި

ޖެނުއަރީ 9 ވާ ހުކުރު ދުވަހު އަދި 10 ވާ ހޮނުހިރުދުވަހު މާލެއަށް އަންނަ ބޮޑު ޕެސެންޖަރ ލައިނަރަކާ ގުޅިގެން، މާލޭގެ ޖެޓީ ސަރަޙައްދުގައި ޓްރެފިކް ބާރުބޮޑުވެދާނެ ކަމަށް ބެލެވޭތީ، އާންމު ރައްޔިތުންނަށް ސަމާލުވުމަށް ދިވެހި ފުލުހުންގެ ޚިދުމަތުން އިލްތިމާސްކޮށްފިއެވެ.

ފުލުހުންގެ މަޢުލޫމާތު ދޭގޮތުގައި، 2025 ވަނަ އަހަރުގެ ޖަނަވަރީ މަހުގެ 9 އަދި 10 ވަނަ ދުވަހު، ގިނަ އަދަދެއްގެ ފަތުރުވެރިން ގޮވައިގެން ރާއްޖެއަށް އަންނަ ޕެސެންޖަރ ލައިނަރަކުން ފަތުރުވެރިން މާލެއަށް އަރާ ފޭބުމަށް ހަމަޖެހިފައިވަނީ 1 ނަންބަރު އަދި 2 ނަންބަރު ޖެޓީން ކަމަށެވެ. މިކަމާ ގުޅިގެން އެ ސަރަޙައްދުގެ ޓްރެފިކް ވަރަށް ބޮޑަށް ބާރުބޮޑުވެދާނެ ކަމަށް ބެލެވެއެވެ.

މި ހާލަތާ ގުޅިގެން، އެ ސަރަޙައްދުން ދަތުރުކުރާ ފަރާތްތަކުން މިކަމަށް ޚާއްޞަ ސަމާލުކަމެއް ދިނުމަށާއި، އެ ސަރަޙައްދުގައި ހަރަކާތްތެރިވާ ފުލުހުން ދޭ އިރުޝާދުތަކާ އެއްގޮތަށް ޢަމަލުކުރުމަށް ފުލުހުން ވަނީ އިލްތިމާސްކޮށްފައެވެ.

ފުލުހުންގެ މި އިލްތިމާސްއަކީ، އާންމު ރައްޔިތުންގެ ރައްކާތެރިކަމަށާއި، އެ ސަރަޙައްދުގައި ދަތުރުފަތުރު ތޮއްޖެހުމެއް ނެތި ހިނގާ ބިނގާވެ އެޅޭ މީހުންނަށް ފަސޭހައަކށް އެޅުއްވި މުހިންމު ފިޔަވަޅެކެވެ.