Ads by Exprox

ޚަބަރު

މި އަހަރަށް ރައްޔިތުންގެ މަޖިލިސް ހުޅުވުން މިއަންނަ މަހު 6 ގައި

މި އަހަރަށް ރައްޔިތުންގެ މަޖިލިސް ހުޅުވުން މިއަންނަ މަހު 6 ގައި

2024 ގައި ރައީސުލްޖުމްހޫރިއްޔާ ރިޔާސީ ބަޔާން އިއްވަވަނީ، ފޮޓޯ: ރައީސް އޮފީސް

farudhun logo

ފަރުދުން

10 ޖެނުއަރީ 2025، 06:41

10 ޖެނުއަރީ 2025، 06:41

ހުލާސާ

މި އަހަރުގެ ފުރަތަމަ ދައުރުގެ ފުރަތަމަ ޖަލްސާ ވެސް ފެބުރުއަރީ 6 ގައި ބޭއްވުމަށް ވަނީ ނިންމާފައި.

ރައްޔިތުންގެ މަޖިލިސް ހުޅުވާ، ރިޔާސީ ބަޔާން އިއްވެވުން އޮންނާނީ މިއަންނަ މަހު 6ގައި ކަމަށް މަޖިލީހުގެ އިދާރާއިން ހާމަކޮށްފިއެވެ.

އެގޮތުން، މި އަހަރުގެ ފުރަތަމަ ދައުރުގެ ފުރަތަމަ ޖަލްސާ ފެބުރުއަރީ 6 ގައި ބޭއްވުމަށް، މަޖިލީހުގެ ރައީސް ޢަބްދުއްރަހީމް ޢަބްދުﷲ ނިންމަވާފައިވާކަމަށްވެސް މަޖިލީހުން ހާމަކޮށްފައިވެއެވެ.

މަޖިލިސް ހުޅުވާދުވަހު ރައީސުލްޖުމްހޫރިއްޔާ އިއްވަވާ ރިޔާސީ ބަޔާނަކީ ޤާނޫނުއަސާސީގެ 84 ވަނަ މާއްދާގެ ދަށުން ކޮންމެ އަހަރަކުވެސް ރައްޔިތުންގެ މަޖިލީހުގެ ފުރަތަމަ ދައުރުގެ ފުރަތަމަ ޖަލްސާގައި އިއްވަންޖެހޭ ބަޔާނެކެވެ. މި ބަޔާނުގައި ޤައުމުގެ ހާލަތު ބަޔާންކޮށް، އެ ޙާލަތު އިތުރަށް ރަގަޅު ކުރުމަށްޓަކައި ކުރަންޖެހޭ ކަންކަމުގެ ތަފްސީލީ މާޢުލޫމާތު ރައްޔިތުންނާ ހިއްސާކުރަން ޖެހެއެވެ. 

މީގެ އިތުރުން 20ވަނަ ރައްޔިތުންގެ މަޖިލީހުގެ ޤަވާއިދުގައި ހިމަނާފައިވާގޮތަށް،  ކޮންމެ އަހަރަކުވެސް ރިޔާސީ ބަޔާން އިއްވުމުން ރައީސް ނިސްބަތްވާ ޕާޓީ ފިޔަވައި ދެން އެންމެ ގިނަ މެންބަރުން ތިއްބަވާ ސިޔާސީ ޕާޓީއެއްގެ ލީޑަރު އެ ރިޔާސީ ބަޔާނަށް ދޭނެ ޖަވާބު ތައްޔާރުކޮށް އެ ޖަވާބު މަޖިލީހުގެ ޖަލްސާއެއްގައި އިއްވަވަން ޖެހެއެވެ. މިކަމުގައި މެންބަރުންގެ ޙިޔާލު ހޯދަންޖެހޭނެކަމަށް ވެސް އެ ޤަވާއިދުގައި ވެއެވެ. އަދި އެ ޤަވާއިދުގައިވާގޮތުން ރިޔާސީ ބަޔާން އިއްވާތާ 14 ދުވަހުގެ ތެރޭގައި ޖަވާބު ދޭންޖެހެއެވެ.

މި ލިޔުން ކިޔާލުމުން

Ads by MSS