ޚަބަރު
ފަތުރުވެރިއެއްގެ ގައިގައި ލޯންޗަކުން ޖެހި އެ މީހާ މަރުވެއްޖެ

ލޯންޗުން ޖެހުނު ފަތުރުވެރިޔާ މޫދުން ނަގާފައި، ފޮޓޯ: އެމްވީ ކްރައިސިސް
ހުލާސާ
އެމީހާގެ ގައިގައި ޖެހުނީ ރެޑިސަން ބްލޫ މޯލްޑިވްސް ރިސޯޓުގެ ބޭރުން މޫދުގައި އުޅުނިކޮށް "އައިކޮމް ގްރީން" ނަމަކަށް ކިޔާ ލޯންޗަކުން.
މޫދަށް އެރި އުޅުނު ފަތުރުވެރިއެއްގެ ގައިގައި ލޯންޗަކުން ޖެހުމުގެ ސަބަބުން އެ މީހާ މަރުވެއްޖެއެވެ.
ފުލުހުން ހާމަކޮށްފައިވާ ގޮތުގައި، މި ހާދިސާގައި މަރުވެފައިވަނީ އާޖެންޓީނާއަށް ނިސްބަތްވާ، އުމުރުން 55 އަހަރުގެ ފިރިހެނެކެވެ. އެމީހަކީ، އދ. އަތޮޅުގެ ރިޒޯޓެއްގައި ޗުއްޓީ ހޭދަކުރަމުން ދިޔަމީހެކެވެ.
ލޯންޗުން އެމީހާގެ ގައިގައި ޖެހުނީ ރެޑިސަން ބްލޫ މޯލްޑިވްސް ރިސޯޓުގެ ބޭރުން މޫދުގައި އުޅުނިކޮށްކަމަށް ފުލުހުން ހާމަކޮށްފައިވެއެވެ. އަދި އެމީހާގެ ގައިގައި ޖެހުނީ "އައިކޮމް ގްރީން" ނަމަކަށް ކިޔާ ލޯންޗަކުންނެވެ.
ސޯޝަލް މީޑިއާގައި ދައުރުވަމުންދާ ވީޑިއޯއަކުން ފެންނަ ގޮތުގައި، މި ހާދިސާއާ ގުޅިގެން އެ ފަތުރުވެރިޔާގެ އެއް އަތާއި މޫނުގެ ބައެއް ވަނީ ވަކިވެފައެވެ.
އަދި ފުލުހުން ހާމަކޮށްފައިވާ ގޮތުގައި، އެ އިދާރާއިން މިހާރު އަންނަނީ އެ ހާދިސާ ތަހުޤީޤުކުރަމުންނެވެ.