ޚަބަރު
ސައުތު ކޭޓަރިންގެ މުވައްޒަފުންތަކަކަށް މުސާރަނުދޭ މައްސަލަ ފުލުހުން ބަލަން ފަށައިފި

ޝުއޫރު ފާޅުކުރުމަށް އެއްވެ ތިބި ސައުތު ކޭޓަރިންގެ މުވައްޒަފުން، ފޮޓޯ: އެމްވީކްރައިސިސް
ހުލާސާ
ފުލުހުން ހާމަކޮށްފައިވާ ގޮތުގައި، އެ އިދާރާގެ އެންޓި-ހިއުމަން ޓްރެފިކިންގް ޑިޕާޓްމެންޓުން އަންނަނީ މައްސަލައާ ގުޅިގެން ބަލަންޖެހޭ ކަންކަން ބަލަމުން.
ދިވެހިރާއްޖޭގެ ކޭޓަރިން ޚިދުމަތުގައި ގިނަ ދުވަސްތަކެއްވެފައިވާ ސައުތު ކޭޓަރިންގެ ބިދޭސީ މުވައްވަޒުންތަކަކަށް މުސާރަ ނުދޭ މައްސަލައެއް މޯލްޑިވްސް ޕޮލިސް ސަރވިސަސްއިން ބަލަން ފަށާފައިވާކަމަށް އެ އިދާރާއިން ހާމަކޮށްފިއެވެ.
މި މައްސަލަ ފުލުހުން ބަލަން ފެށިކަމަށް ޙިއްސާކޮށްފައިވާއިރު، އެތަނުގެ މުވައްޒަފުންތަކެއް އަލިކިލެގެފާނު މަގުގައި ހުންނަ އެ ކުންފުނީގެ އައުޓްލެޓެއްގެ ކައިރީގައި މިއަދު ޝުއޫރުފާޅުކޮށްފައިވާ ފޮޓޯތަކެއް ވެސް ސޯޝަލް މީޑިއާގައި ވަނީ އާންމުވެފައެވެ.
މެސެޖުތަކަކާއެކު ޝުއޫރުފާޅުކުރަން ތިބި މި ބިދޭސީންގެ ތެރެއިން އެކަކު ހިފަހައްޓައިގެން ހުރި ބޯޑެއްގައި "ފައިވް މަންތްސް ސެލެރީ ނޮޓް ގިވިން" ޖަހާފައި އޮތްއިރު، އެހެން މީހެއްގެ ބޯޑުގައި "ވީ ވޯންޓް ސެލެރީ" މިހެން އިނގިރޭސި ބަހުން ލިޔެފައި އޮތެވެ.
ސޯޝަލް މީޑިއާގައި އާންމުވި ފޮޓޯތަކުން ފެންނަ ގޮތުގައި، އެ އެއްވުމުގައި ހަރަކާތްތެރިވެފައިވަނީ 8 ބިދޭސީ އަންހެނުންނާއި 2 ބިދޭސީ ފިރިހެނުންނެވެ.
މިކަމާ ގުޅިގެން ފުލުހުން ހާމަކޮށްފައިވާ ގޮތުގައި، އެ އިދާރާގެ އެންޓި-ހިއުމަން ޓްރެފިކިންގް ޑިޕާޓްމެންޓުން އަންނަނީ މައްސަލައާ ގުޅިގެން ބަލަންޖެހޭ ކަންކަން ބަލަމުންނެވެ.