ޚަބަރު
ޣައްޒާގައި ބޯފެން ނެތް -ބައެއްމީހުން ޗަކަފެން ނަގައިގެން ބޮވޭނެ ގޮތެއް ހޯދައިފި
ޢައްޒާގައި ބޮފެން ނެތި ކުޑަކުއްޖަކު މަގުމަތިން ފެންބޮނީ ފޮޓޯ:އަލްޖަޒީރާ
ޣައްޒާގައި ކާބޯތަކެއްޗާއި، ބޭސް އަދި ސާފު ފެން ލިބުމަށް ދަތިވެފައިވާ ދަނޑިވަޅެއްގައި، އެ ސަރަޙައްދުގެ ރައްޔިތަކު ޗަކައިން ފެން ނެގުމުގެ ގޮތެއް ހޯދައިފިއެވެ. މިކަން އޭނާ ދައްކާފައިވަނީ އަލްޖަޒީރާ އަރަބިކްގެ ވީޑިއޯއެއްގައެވެ.
نازح يستخرج الماء من الطين بطرق بدائية في غزة #الجزيرة #فيديو pic.twitter.com/Kvh6gH4Owc
— الجزيرة فلسطين (@AJA_Palestine) January 11, 2025
އޭނާ މިކަން ކޮށްފައިވަނީ ޗަކަ ފެން ފޮތިގަނޑަކަށް އަޅައި، ފޮތިގަނޑުން ޗަކަފެން ތައްޓަކަށް ފުރާނައިގެންނެވެ.
މި މަރުޙަލާގެ ފަހުން، ނުސާފު ފެން ހުންނަ ތަށި މަތީގައި ބަހައްޓައެވެ. އަދި ފޮތިގަނޑެއްގެ އެއް ކޮޅު މި ތަށްޓަށް ޖައްސައި، އަނެއް ކޮޅު ތިރީގައި ބަހައްޓާ އެހެން ތަށްޓަކަށް ޖައްސައެވެ. މިގޮތުން ފޮތިގަނޑުގެ އެހީގައި މަތީ ތަށިން ފެން ހިންދައި، ބާރުން ތިރީ ތަށްޓަށް ފެން އަޅައެވެ. މިގޮތުން ތިރީ ތަށްޓަށް އެއްވާ ފެނަކީ ކުރިއަށްވުރެ ސާފު ފެނެވެ.
މި ގޮތް ދައްކާފައިވަނީ ޣައްޒާގައި ހިނގަމުންދާ ހަނގުރާމައިގެ ސަބަބުން އާންމު ދިރިއުޅުމަށް ބޭނުންވާ އަސާސީ ޚިދުމަތްތައް ވެސް ލިބުން ދަތިވެފައިވާ ދަނޑިވަޅެއްގައެވެ. މި ގޮތް ބޭނުންކޮށްގެން، ޣައްޒާގެ ރައްޔިތުންނަށް ކޮންމެވެސް ވަރަކަށް ސާފު ފެން ހޯދުމަށް މަގުފަހިވާނެ ކަމަށް ބެލެވެއެވެ.
