ވިޔަފާރި / ޚަބަރު

"މޯލްޑިވިއަން ހަވީރީ އުފާ" މިއަދު ހަވީރު 4 ޖަހާއިރު ސެންޓްރަލް ޕާކުގައި

"މޯލްޑިވިއަން ހަވީރީ އުފާ" މިއަދު ހަވީރު 4 ޖަހާއިރު ސެންޓްރަލް ޕާކުގައި

މޯލްޑީވިއަން ހަވީރީ އުފާ ފޮޓޯ:މޯލްޑިވިއަން

އާމިނަތު ޔުމްނާ

އާމިނަތު ޔުމްނާ

11 ޖެނުއަރީ 2025، 11:01

11 ޖެނުއަރީ 2025، 11:01

މިއަދު ހަވީރު 4 ޖަހާއިރު ސެންޓްރަލް ޕާކުގައި "މޯލްޑިވިއަން ހަވީރީ އުފާ" ގެ ނަމުގައި ޚާއްޞަ އާއިިލީ ހަވީރެއް ބޭއްވުމަށް ވަނީ ހަމަޖެހިފައެވެ. މި ހަފްލާ ބޭއްވެނީ މޯލްޑިވިއަން އެއަރލައިންސްގެ ވައިޑް ބޮޑީ މަތިންދާ ބޯޓުގެ ދަތުރުތައް ފެށުމުގެ އުފަލުގައެވެ.

މި ހަވީރީ އުފަލުގައި ބައިވެރިވާ ފަރާތްތަކަށް އެކި ބާވަތުގެ މަޖާ ކުޅިވަރުތަކުގައި ބައިވެރިވުމުގެ ފުރުޞަތު ލިބިގެންދާނެއެވެ. މީގެ އިތުރުން މުނިފޫހިފިލުވުމުގެ ތަފާޓު ހުށައެޅުންތަކާއި ޝޯއެއްވެސް ބޭއްވުމަށް ވަނީ ހަމަޖެހިފައެވެ. އަދި ހަވީރުގެ އެންމެ ބޮޑު ސަޕްރައިޒްގެ ގޮތުގައި ޚާއްޞަ އިނާމުތަކެއް ބައިވެރިންނަށް ލިބިގެންދާނެ ކަމަށް މޯލްޑިވިއަން އިން ވަނީ ހާމަކޮށްފައެވެ.

މި ހަވީރީ އުފާ ފެށުމަށް ހަމަޖެހިފައިވަނީ ހަވީރު 4 ޖަހާއިރުއެވެ. އަދި ނިމުމަށް ހަމަޖެހިފައިވަނީ ހަވީރު 6 ޖަހާއިރުއެވެ. މި ހަފްލާއަކީ އާންމުކޮށް ހުރިހާ ރައްޔިތުންނަށް ހުޅުވާލެވިފައިވާ ހަފްލާއެއް ކަމަށްވާތީ، ގިނަ އަދަދެއްގެ ރައްޔިތުން މި ހަފްލާގައި ބައިވެރިވާނެ ކަމަށް އުންމީދު ކުރެވެއެވެ.

މި ހަވީރީ އުފަލަކީ މޯލްޑިވިއަން އެއަރލައިންސްގެ ތާރީޚުގައި އައު ބާބެއް ފެށިގެންދާ މުހިންމު ދުވަހެއް ފާހަގަކުރުމަށް ބޭއްވޭ ޙާއްސަ ހަވީރެކެވެ. ވައިޑް ބޮޑީ މަތިންދާ ބޯޓު ތަޢާރަފުވުމާއެކު، ދިވެހިރާއްޖޭގެ ވައިގެ ދަތުރުފަތުރުގެ ދާއިރާއަށް އިތުރު ކުރިއެރުންތަކެއް ލިބިގެންދާނެ ކަމަށް އުންމީދު ކުރެވެއެވެ.
                    

މި ލިޔުން ކިޔާލުމުން

Ads by MSS