Ads by Exprox

ޚަބަރު

އެމްއެންޔޫގެ "ފަހި ސުފުރާ" މަޢުރަޒުގައި ބައިވެރިވުމުގެ ފުރުޞަތު ހުޅުވައިލައިފި

އެމްއެންޔޫގެ "ފަހި ސުފުރާ" މަޢުރަޒުގައި ބައިވެރިވުމުގެ ފުރުޞަތު ހުޅުވައިލައިފި

އެމްއެންޔޫގެ ކުރީގެ ފުޑްފެއަރ އެއްގެ ތެރެއިން ފޮޓޯ:އެމްއެންޔޫ

އާމިނަތު ޔުމްނާ

އާމިނަތު ޔުމްނާ

12 ޖެނުއަރީ 2025، 09:45

12 ޖެނުއަރީ 2025، 09:45

ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) އިން އިންތިޒާމުކޮށްގެން ބޭއްވުމަށް ހަމަޖެހިފައިވާ "ފަހި ސުފުރާ" ނަމުގައި ކުރިއަށްގެންދާ ކާބޯތަކެތީގެ މަޢުރަޒުގައި ބައިވެރިވުމުގެ ފުރުޞަތު ވަނީ ހުޅުވާލާފައެވެ.

މި މަޢުރަޒަކީ ކާބޯތަކެތި އުފައްދާ ފަރާތްތަކުގެ ހުނަރުތައް އާންމުންނަށް ދައްކައިލުމަށް އަމާޒުކޮށްގެން ބާއްވާ މަޢުރަޒެކެވެ. ތަފާތު ވައްތަރުގެ ކާބޯތަކެތި ތައްޔާރުކުރާ އެކި ފަރާތްތަކަށް މި މަޢުރަޒުގައި އެއްވެސް އަގަކާ ނުލައި މުޅިން ހިލޭ ބައިވެރިވެވޭނެއެވެ.

އެމްއެންޔޫގެ އިދާރީ މަރުކަޒުގައި ބޭއްވުމަށް ހަމަޖެހިފައިވާ މި މަޢުރަޒު ކުރިއަށްދާނީ 2025 ވަނަ އަހަރުގެ ފެބްރުއަރީ މަހުގެ 13 އަދި 14 ވަނަ ދުވަހުގެ މެންދުރު 11:00 އިން ފެށިގެން ރޭގަނޑު 22:00 އާ ހަމައަށެވެ.

މަޢުރަޒުގައި ބައިވެރިވާން ބޭނުންވާ ފަރާތްތަކަށް https://bit.ly/3BWPUvN މި ލިންކް މެދުވެރިކޮށް ފޯމު ހުށަހެޅިދާނެއެވެ. ފޯމު ހުށަހެޅުމުގެ ސުންގަޑިއަކީ 2025 ވަނަ އަހަރުގެ ޖަނަވަރީ މަހުގެ 30 ވާ ބުރާސްފަތި ދުވަހުގެ ރޭ 23:00 އެވެ.

މި މަޢުރަޒަކީ ކާބޯތަކެތި އުފައްދާ ފަރާތްތަކަށް އެމީހުންގެ އުފެއްދުންތައް ދައްކައިލުމުގެ ފުރުޞަތެއްގެ އިތުރުން، އާންމު ރައްޔިތުންނަށް ތަފާތު ވައްތަރުގެ ކާނާ ތަޖުރިބާކުރުމުގެ ފުކުރުމުގެ ފުރުޞަތެއް ކަމަށްވެސް ބެލެވެއެވެ.
                    

މި ލިޔުން ކިޔާލުމުން

Ads by MSS